ပန်းရင့်ရောင်တို့ကတော့ လုပ်ချလိုက်ပြန်ပြီ....။သူ Tag လိုက်တိုင်း နှင်းဟေမာ က မပါ မပြီးဘူး...။
ဒေါသထွက်နေသောသူကို
တစ်ဖန်ပြန်ပြီးဒေါသထွက်၏
ထိုသူသည် ပထမဒေါသထွက်နေသူထက်
မိုက်မဲသူ ၊ ယုတ်မာသူဖြစ်၏။ ”
ပန်းရင့်ရောင်တို့ကတော့ လုပ်ချလိုက်ပြန်ပြီ....။သူ Tag လိုက်တိုင်း နှင်းဟေမာ က မပါ မပြီးဘူး...။
Posted by မင်္ဂလာပါ .... at 7:37 PM 11 comments
Labels: တဂ်ပို့လေးများ
ရှမ်းပြည်နယ် တောင်ပိုင်း၊ မိုင်းကိုင်မြို့နယ် ၊ ပန်ကောင်းမှူး ဆိုတဲ့ ရှမ်းကျေးရွာလေး မှာ ကျမ ငယ်စဉ်က နေခဲ့ရဘူးပါတယ် ....။
အဲဒီမှာနေခဲ့တဲ့ အချိန်တုန်းက ကျမ အသက်က တော်တော်လေးကို ငယ်ပါသေးတယ်....။
ဒါပေမယ့် အဖြစ်အပျက်လေးတွေကိုလည်း ယနေ့ထိ သတိရနေဆဲပဲ...။
အဲဒီအချိန်က နှင်း မေမေ က ... အစိုးရ ၀န်ထမ်းဆိုတော့ မေမေတာဝန်ကျတဲ့နေရာမှာ ကျမလဲ အတူလိုက်လာခဲ့ပါတယ်....။
အဲဒီဒေသလေးက ၇ိုးသားတဲ့ ရှမ်းလူမျိုးတွေ နေကြပြီး အရမ်းလည်း ခေါင်းပါးတဲ့အပြင် မိုင်းကိုင်မြို့လေးနဲ့လည်း တော်တော်လေး အလှမ်းဝေးပါသေးတယ်....။ လှည်းလမ်းခရီးကလည်း အရမ်းကို ကြမ်းလှပါတယ် ...။
အဲဒီမှာ မေမေရယ် နှင်းရယ် ... ပြီးတော့ မေ့မေ့လက်ထောက် ဆရာမလေးတစ်ယောက်ရယ် အတူတူနေခဲ့ကြရပါတယ်...။ ကျမ တို့ အတွက် ကျောင်းနဲ့မလှမ်းမကမ်းက တောင်ကုန်းမြင့်လေးပေါ်မှာ အင်ဖက်တွေမိုးထားတဲ့ ၀ါးခြေတံရှည် အ်ိမ်လေးတစ်လုံးဆောက်ပေးခဲ့တယ်....။
အဲဒီမူလတန်းကျောင်းလေး နဲ့ နှင်းတို့နေတဲ့တောင်ကုန်းလေးတွေရဲ့ကြားမှာတော့ သစ်တော်ပင်တန်းကြီးတွေက ၀န်းရံလို့...။
အိမ်လေးကနေ ကျောင်းရဲ့ဆန့်ကျင်ဘက်နေရာကို ကြည့်လိုက်တော့ လိမ္မော်ခင်း၊ မက်မန်းခင်း နဲ့ ပဲပုပ်ခင်းတွေ...ဟင်းသီးဟင်းရွက်ခင်းတွေ ၊ နာနတ်ခင်းတွေ နဲ့
တမျှော်တခေါ် ရှည်လျားလှတဲ့စိမ်းစို ညို့မှိုင်းနေတဲ့ ရှမ်းတောင်တန်းကြီးတွေက ၀န်းရံလို့ပေါ့ ...။
ပန်ကောင်းမှူး က အဓိကအားဖြင့်တော့ လိမ္မော် အဓိကထွက်တဲ့ ဒေသလေးဖြစ်ပါတယ် ....။
နေ့ခင်းဘက်မှာ သာယာလှပသလောက် နယ်မြေက မအေးချမ်းတဲ့အတွက် ညဘက်ရောက်မှာကိုတော့ နှင်း အရမ်းကြောက်မိတယ် ....။
ပတ်ဝန်းကျင်ကြီးတစ်ခုလုံးက မဲမှောင်နေပြီး ညဘက်ရောက်ပြီဆိုရင် ရွာထဲကို သူပုန် တွေကလဲ မကြာမကြာ
ဝင်လာတက်ပြန်တယ်....။သူတို့လာပြီဆိုရင် မေမေ တို့အားလုံး နဲ့ကျမတို့အိမ်လေးနဲ့
မလှမ်းမကမ်းမှာနေကြတဲ့ တောင်ကြီးဘက်က ဦးလေး ဆရာကျောင်း နှစ်ယောက်ကလဲ သူတို့လာတော့မယ့် နေ့ကို ရောက်ပြီဆိုရင် ပြာယာခတ်နေအောင်ကြောက်နေတက်ကြတယ်...။
အဝေးကြီးက လာတဲ့ မြင်းခွာသံတွေကြားပြီဆိုတာနဲ့ စကားတွေပြောနေကြတဲ့ လူကြီးတွေ အားလုံးလည်း
မီးအိမ်လေးတွေကိုအမြန်ငြိမ်းလိုက်ကြတော့တယ် ....။
အဲဒီအချိန်ဆိုရင် နှင်း ကလည်း ကြောက်လွန်းလို့ မေမေ့ နားကိုအတင်းတိုးကပ်ပြီး ဒူးလေးတွေတောင် တဆတ်ဆတ်တုန်နေခဲ့တာ....။သူတို့တွေ လာပြီဆိုတာနဲ့ ကျမတို့ တဲအိမ်လေး တွေမှာ
သိမ့်သိမ့်တုန်မတက်ပဲ မြင်းခွာသံတွေ တရစပ်ဝုန်းဒိုင်းကြဲပဲ ရောက်လာကြပါတယ်...။ ပြီးရင် ခေါင်းဆောင်ဖြစ်ပုံရတဲ့ လူကြီးတစ်ယောက်က အသံဝဲ၀ဲနဲ့ ဆရာကျောင်း...ဆရာကျောင်း ဆိုပြီး အော်ခေါ်ပါတော့တယ်...။
သူတို့တွေ လာပြီးဆိုတာနဲ့ ကျောင်းမှာ အကြီးဆုံးတာဝန်ယူထားတဲ့ ကျမ မေမေ က ဦးဆောင်ပြီး သူတို့ကို ထွက်ကြိုရတယ် ....မေမေ့ ကို ဟိုမေး ဒီမေး မေးကြတယ်...။
ဒီတစ်ပတ် ကျောင်းကို ဘယ်သူတွေလာသွားလဲ ဘယ်သွားကြလဲ ... ပြီးရင် ဆရာကျောင်းတို့ နေတက်အောင် နေကြ...အပြင်လူတွေ တစ်ယောက်မှမမြင်ချင်ဘူး ...။
လိုအပ်တာပြော .... ရှုပ်ရှုပ်ရှက်ရှက်တွေ ဘာမှမမြင်ချင်ဘူး စသဖြင့် ကျမ နားမလည်သေးတဲ့ စကားတွေ ပြောကြားပြီး မြင်းတွေနဲ့ လူတစ်စုက ရွာထဲဘက်ကို ဦးတည်သွားကြတယ်...။
အဲဒီရွာလေးကနေ ကျမတို့ ဇာတိနေရာကို ပြောင်းခွင့် ရတယ်ဆိုတဲ့ စာလေးရတဲ့နေ့က ကျမတို့ သားမိ ၂ယောက် မှာ ပျော်လိုက်ရတာ ...အရမ်းပါပဲ....။ သံယောဇဉ်တွယ်နောကြရှာတဲ့ ကျေးရွာကလူကြီးတွေ
ရွာကကျောင်းသားလေးတွေနဲ့ မိဘတွေ က လက်ဆောင်ပစ္စည်းလေးတွေနဲ့ လာပြီးနှုတ်ဆက်ကြရှာတယ်....။
ဧည့်သည်ဆိုတာ အချိန်တန်ရင် အိမ်ပြန်ကြရမှာပဲ မဟုတ်လား ....။
ဝါးတွေနဲ့ဆောက်လုပ်ပြီး အင်ဖက်လေးတွေ မိုးထားပေမယ့် ကြီးမားကျယ်ဝန်းလှတဲ့ အ.မ.က ပန်ကောင်းမှူး ဆိုတဲ့ ကျမ ငယ်ဘ၀က ကြီးကျယ်ခမ်းနားတယ်လို့ ထင်ခဲ့တဲ့
နေရာလေးကို အဲဒီ့နေ့ကစလို့ ကျမတို့ အပြီးတိုင် နှုတ်ဆက်ခွဲခွာခဲ့ကြပါတယ် ....။
ဘာပဲဖြစ်ဖြစ် ကျမ ရဲ့ ဘ၀အစိတ်အပိုင်း တစ်ခုဖြစ်ခဲ့တဲ့ ပန်ကောင်းမှူး ကိုတော့ အရမ်းချစ်မိပါတယ် ....။
ပန်ကောင်းမှူးကနေ မိုင်းကိုင်ထိ ရွာကနေ လှည်းစီစဉ်ပေးခဲ့ပြီး၊ မိုင်းကိုင်ကိုရောက်တော့ ဖေဖေက ကျမတို့သားအမိကို လာကြိုနေခဲ့ပါတယ်...။
ဒီဘ၀လေးက ကျမ အရမ်းငယ်သေးပေမယ့် ယနေ့ထိ ရင်ထဲမှာ မှတ်မှတ်ရရ ရှိနေဆဲပါပဲ...။
ဟိုးငယ်ငယ်တုန်းက စိတ်ဒုက္ခရောက်ခဲ့ရပြီးအမှတ်တရလေးပါ ဖြစ်ခဲ့ရဘူးတဲ့ အကြောင်းအရာ လေးတစ်ခုကို ဆွဲထုတ်ပြီး ပြန်ရေးတာပါ...။
နှင်းက ဖေဖေ နဲ့ မေမေတို့ရဲ့ တစ်ဦးတည်းသော သမီးပါ...။
ငယ်ငယ်တည်းက မိသားစု အတွင်းရေးကိစ္စတွေတိုင်းအတွက် ကောင်းတာပဲဖြစ်ဖြစ် ဆိုးတာပဲ ဖြစ်ဖြစ်
ဝမ်းသာတာပဲ ဖြစ်ဖြစ် ၊ ၀မ်းနည်းအားငယ်တာပဲ ဖြစ်ဖြစ် ဘ၀က ချမှတ်ပေးလိုက်တဲ့ ကောင်းဒဏ်၊ဆိုးဒဏ် အားလုံးကို ကျမ တစ်ယောက်ထဲ ခံယူခဲ့ရပါတယ်....( ဘယ်သူ့ကို မျှဝေပေးစရာမရှိလို့ )။
အဲဒါကြောင့် ကျမ က ဘ၀ဆိုတဲ့ ကျောင်းနဲ့ ပတ်သတ်ပြီး စာကျေညက်ခဲ့တယ်လို့ လည်းကိုယ့်ကိုယ်ကို ခံယူထားပါတယ် ...။
ဖေဖေ ၊ မေမေ နဲ့ ဆွေမျိုးတွေကြားမှာ တော့ ကျမ က စံပြ သမီး တစ်ယောက်ဆိုတဲ့ ရာထူးကို ယနေ့ထိအလိုအလျှောက် ရနေတုန်းပဲ ...။
ကျမ မိသားစုမှာလည်း ဖေဖေရယ် မေမေရယ် ကျမရယ် ... မွေးစားထားတဲ့ မေမေတို့ သမီးလေး တစ်ယောက်ရယ် မိသားစုလေးယောက်ရှိပါတယ်...။ကျမဘ၀ရဲ့ တစ်သက်တာလုံးမှာ မိဘနဲ့ အတူတူနေခဲ့ရတဲ့ နေ့ရက်ဆိုတာ လက်ချိုးရေလို့ရတယ်....။
အလယ်တန်းပြီးကတည်းက ကျမ မိဘတွေက ဘော်ဒါဆောင်တစ်ခုကို ပို့ခဲ့ပါတယ်...။
အထက်တန်းအောင်ပြီးတော့လည်း မန္ထလေးမှာ တစ်နှစ်လောက် ဆယ်တန်းဂိုက်ပြန်လုပ်နေရင်း ကျောင်းတက်ဖို့စောင့်ခဲ့တယ် ....။ အဲဒီကနေ .... တစ်လျှောက်လုံး ကျောင်းတက်လိုက် အလုပ်ဝင်လိုက်နဲ့ ...
လုံးလည် ချာလည် လိုက်ပြီး နိုင်ငံခြားကိုသာ ရောက်လာခဲ့တယ် ... ခုချိန်ထိလည်း ကျမ ကျောင်းမပြီးသေးပါဘူး....။ (ကျမရဲ့မိဘတွေနဲ့လည်း အေားအေးဆေးဆေးကို တစ်ခါမှ အကြာကြီးမနေခဲ့ရပါဘူး...)
ဘ၀တစ်သက်တာမှာ အတိုင်းအတာတစ်ခုထိ အဆင်ပြေ တည်ငြိမ်လာခဲ့တယ်လို့ ကျမ ခံယူခဲ့တဲ့ နေ့တစ်နေ့ အထိ ဘယ်သူ့ဆီက ဘယ်လိုအကူအညီမျိုးကိုမှ ကျမ မယူခဲ့သလို .... ဘယ်အရာပဲဖြစ်ဖြစ် ကိုယ့်ဒူးကိုယ်ချွန် ကိုယ့်လမ်းကိုယ်ပဲ ဖောက်ခဲ့ရပါတယ်...။
ကျမက ရည်မှန်းချက်ကို အမြဲတမ်း ကြီးကြီးမားမားကြီးတွေပဲထားပြီး ဖြစ်ချင်တာကို မရ ရအောင် လုပ်တက်တဲ့ အကျင့်လေးရှိတယ်...(ဒီနေ့ထိတော့ ဘာမှမဟုတ်သေးတဲ့ ၊ မရေရာတဲ့ လမ်းခရီးတစ်ခုကို စမ်းတ၀ါးဝါး လျှောက်လှမ်းနေဆဲဖြစ်တဲ့ သာမန် အညတရ ကောင်မလေး တစ်ယောက်ပါပဲးp)
ဘလော့ ရေးလာတဲ့ သက်တမ်းလေးမှာ ၀ါသနာတူ ၊ အရွယ်တူ ၊ လျှောက်တဲ့ ခရီးလမ်းတွေ တူညီခဲ့ကြတဲ့ သူငယ်ချင်းမလေး ပန်းရင့်ရောင် က ပထမဦးဆုံး Tag ခဲ့တဲ့သူပါပဲ ....။ကျမ ရဲ့ ဘ၀အစိတ်
အပိုင်းလေးတစ်ချို့ကို ဒီပို့စ်လေးနဲ့အတူဖော်ပြပေးလိုက်တယ်နော်း)
ရေးသားခဲ့တဲ့ ထဲမှာ လွဲချော်တိမ်းစောင်းမှုနဲ့ အမှားအယွင်း တစ်စုံတစ်ရာ ရှိခဲ့ပါသော် ကျမ နှင်ေးဟမာ ၏ အပြစ်နှင့် လိုအပ်ချက်များသာဖြစ်ပါသည်..။
မေတ္တာဖြင့် ခွင့်လွှတ်နားလည်နိုင်ကြပါစေ...။
အားလုံးကို ခင်မင်လေးစားတဲ့
နှင်းဟေမာ
29 Aug 2009 ( 1 : 46 am )
Posted by မင်္ဂလာပါ .... at 7:51 PM 9 comments
Labels: တဂ်ပို့လေးများ
Posted by မင်္ဂလာပါ .... at 12:40 AM 18 comments
Labels: ကိုယ်ပိုင် ကဗျာ
အားလုံး အားလုံး အားလုံး မင်္ဂလာပါ ... ( ဇော်ပိုင်ကို အားကျလို့ )း)
Posted by မင်္ဂလာပါ .... at 4:52 PM 4 comments
Labels: နှင်းဟေမာ နှင့် အမှတ်တရလေးများ
ကျမတို့မေတ္တာကမ္ဘာအသင်းအတွက် မြန်မာပြည်ကနေ အစ အဆုံးထိတိုင် လှူဒါန်းမှုဖြစ်မြောက်ရေးတွင် တစ်တပ်တစ်အား အကူညီပေးခဲ့ကြသော မောင်လေး၊ညီမလေးများအားလုံးကို လှိုက်လှိုက်လှဲလှဲ ကျေးဇူးတင်မိပါသည်...။ယနေ့ည အွန်လိုင်းမှာတွေ့ဆုံဖြစ်ကြရင်း အစ်မရေ...ကျတော်တို့တော့ မနေ့ကပဲ ရဲမွန်ဘုန်းတော်ကြီးသင်ကျောင်းအတွက် ရေသန့်စက် ၊ စတီးရေသန့်စင်တို့ကို အားလုံးဆင်ပြီးခဲ့ပါတယ်...လို့ပြောပြီး ဓါတ်ပုံလေးတွေပါ တစ်ခါတည်း ပို့ပေးခဲ့ပါတယ် ...။
ကျမတို့ထက် အသက်ငယ်ရွယ်သော ကလေးတွေအနေနဲ့ အခုလို စိတ်ရော လူရော နှစ်ပြီး အပင်ပမ်းခံကူညီခဲ့ကြတာကို ကျေးဇူးလည်းတင်မိပါတယ်...။သူတို့တစ်တွေရဲ့ ခံယူချက်နဲ့ ပရဟိတအလှူဒါနနဲ့ပတ်သတ်ပြီး မြင့်မြတ်သော အသိစိတ်ဓါတ်လေးတွေဟာ လေးစားစရာပါပဲ....။
အားလုံးသော အလှူရှင်များ နဲ့ ကျမ၏ အိမ်လေးသို့ နေ့စဉ်လာရောက်ကြကုန်သော သူငယ်ချင်း မိတ်ဆွေများအားလုံးတို့ ကြည်နူးဝမ်းမြောက်စွာဖြင့် သာဓု ခေါ်ဆိုနိုင်ကြစေရန် ဤဓါတ်ပုံလေးများကိုပါ ထပ်မံဖော်ပြပေးလိုက်ရပါသည်...။
Posted by မင်္ဂလာပါ .... at 12:44 AM 6 comments
Labels: ကျမ နှင့် ပရဟိတ
ကျမတို့ သူငယ်ချင်းတစ်စုနှင့် ပရဟိတလုပ်ငန်းများကို စိတ်အားထက်သန်ကြသော လူငယ်တစ်စု ပေါင်းစုကာဖြင့် စင်္ကာပူနိုင်ငံ ၊ စင်္ကာပူမြို့ ၊ ကျမ၏ နေအိမ်လေး၌ (28 June 2009) ရက်နေ့တွင်မြန်မာပြည်သို့ အကူအညီပေးမည့် မေတ္တာကမ္ဘာလူမှုကူညီရေးအသင်းကို အောင်မြင်စွာဖွဲ့စည်း ခဲ့ကြပါသည်...။
25 July 2009 ရက်နေ့တွင် မေတ္တာကမ္ဘာလူမှုကူညီရေးအသင်း၏ ပထမအကြိမ်မြောက်အလှူလေးကို ရန်ကုန်တိုင်း ၊ လှည်းကူမြို့နယ် ၊ရဲမွန်စံပြကျေးရွာ၊ ရဲမွန်ဘုန်းတော်ကြီးသင်ပညာရေးကျောင်းတွင် ပြုလုပ်ခဲ့ကြပါသည်....။ကျမကိုယ်တိုင် ကိုယ်ကျ မသွားရောက်နိုင်ခဲ့သော်လည်း သူငယ်ချင်း ကိုမျိုးမင်းကျော် ( First Organizer) ကိုယ်တိုင် မြန်မာပြည်သို့ သွားရောက်စုံစမ်းပြီး ၊ မြန်မာပြည်မှ မောင်ငယ်လေးများဖြင့် အမှန်တကယ်လိုအပ်လျှက်ရှိသောပရဟိတကျောင်းများစွာကို အပင်ပမ်းခံကာဖြင့် စုံစမ်းလိုက်သောအခါ ၊ မကြာသေးမှီကမှ စတင်ထူထောင်ခဲ့သော ထိုဘုန်းတော်ကြီးသင်ကျောင်းလေးကို တွေ့ရှိခဲ့ပါသည်...။ ရဲမွန်ဘုန်းတော်ကြီးသင်ပညာရေးကျောင်းလေးတွင် ပညာသင်ကြားနေကြသော သာမဏေ၊ ကျောင်းသားကျောင်းသူ၊သင်တန်းသား စုစုပေါင်း မှာအောက်ပါအတိုင်းဖြစ်ပါသည်...။
သူငယ်တန်း - သာမဏေ (၅) ၊ ကျား(၈) ၊ မ(၆) - ပေါင်း (၁၉) ယောက်
ပထမတန်း - သာမဏေ (၉) ၊ ကျား(၉) ၊ မ(၆) - ပေါင်း (၂၄) ယောက်
ဒုတိယတန်း - သာမဏေ (၆) ၊ ကျား(၈) ၊ မ(၄) - ပေါင်း (၁၈) ယောက်
တတိယတန်း-သာမဏေ (၆) ၊ ကျား(၂) ၊ မ(၁) - ပေါင်း ( ၉ ) ယောက်
စတုတ္ထတန်း -သာမဏေ (၁) ၊ ကျား(၃) ၊ မ(၂) - ပေါင်း ( ၆ ) ယောက်
ပဉ္စမတန်း -သာမဏေ (၅) ၊ ကျား(၄) ၊ မ(၀) - ပေါင်း (၉) ယောက်
ဆဌမတန်း -သာမဏေ (၂) ၊ ကျား(၃) ၊ မ(၃) - ပေါင်း (၈) ယောက်
တက္ကသိုလ်ဝန်တန်းကျောင်းသား ကျောင်းသူ -(၁၅) ယောက်
အင်္ဂလိပ်စကားပြောသင်တန်းသား - (၄၁) ယောက်
ကွန်ပြုတာသင်တန်းသားဦးရေ - (၃၅) ယောက်
စုစုပေါင်း - (၁၈၄) ဦးမှာ ရဲမွန်ဘုန်းတော်ကြီးသင်ပညာရေးကျောင်းတွင် ပညာသင်ကြားလျှက်ရှိကြပါသည်။
မြို့နှင့်အလှမ်းဝေးကွာလှသော ထိုဘုန်းတော်ကြီးသင်ကျောင်းလေးမှာ အစစအရာရာ လိုအပ်လျှက်ရှိနေသေးရာ ကျောင်းအုပ်ဆရာတော် အရှင်ပုညသေဌ ကို ထိုကျောင်းလေးအတွက် အခက်ခဲဆုံးဖြစ်မည့် လိုအပ်ချက်ကို လျှောက်ထားမေးမြန်းသောအခါ ထိုကျောင်းလေးမှ ဆရာတော် သံဃာတော်များ၊ သင်ကြားရေး ဆရာ ဆရာမများ နှင့် ပညာသင်ယူနေကြသော ကိုရင်ငယ်လေးများ၊ကျောင်းသား ကျောင်းသူလေးများ ၊ သင်တန်းသားများအားလုံးမှာ မသန့်ရှင်းသော ရေများကိုခက်ခဲစွာရယူပြီး သောက်သုံးနေကြရကြောင်း သိခွင့်ရခဲ့ပါသည်...။ ကိုယ်ကိုယ်တိုင် တွေ့ရ ၊ မြင်ရ ကြုံတွေ့ခဲ့ရသော အခက်အခဲများထဲက ဆရာတော် သံဃာတော်များနှင့် ဆရာ ဆရာမများ၊ ကလေးငယ်လေးများ ၊သင်တန်းသားများ ချမ်းသာကြစေရန် အလို့ငှါ အရေးကြီးဆုံးဖြစ်သည့် ဤသောက်သုံးရေအား ကျမတို့အဖွဲ့အနေနှင့် ရေသန့်စက်နှင့် ၁၀၀၀လီတာဆန့် စတီးရေသန့်စင် တစ်လုံး လှူဒါန်းရန် ဆုံးဖြတ်ခဲ့ကြပါသည်.. ။
ကိုရင်လေးများနှင့် ကလေးငယ်လေးများ စာသင်ကြားရသည့်နေရာလေး
အလယ်တန်း ကျောင်းသားကျောင်းသူလေးများ စာသင်ယူနေကြစဉ်
အင်္ဂလိပ်စာသင်တန်းသားများ
သင်တန်းသားများစာသင်ကြားရသောအဆောင်
ထိုဘုန်းတော်ကြီးသင်ကျောင်းလေးကို ထူထောင်ခဲ့သည့် ဆရာတော် အရှင်ပုညသေဌ နှင့်စိတ်အားထက်သန်စွာဖြင့် ကျမတို့ မေတ္တာကမ္ဘာသို့ ကိုယ်စွမ်း ဥာဏ်စွမ်းရှိသလောက် တက်ကြွ စွာဝိုင်းဝန်းကူညီခဲ့ကြသော မြန်မာပြည်မှ မောင်လေး ၊ ညီမလေးများ
မေတ္တာကမ္ဘာအသင်းအတွက် ရဲမွန်ဘုန်းတော်ကြီးသင်ပညာကျောင်းမှ ဆရာတော်ဘုရား ချီးမြှင့်အပ်သော သာဓုအနုမောဒနာ ဂုဏ်ပြုလွှာအား အများသူငါ တို့ ၀မ်းမြောက်စွာ သာဓုခေါ်ဆိုနိုင်ကြပါစေခြင်းအကျိုးငှာ ဖော်ပြပေးလိုက်ပါသည်။
ရန်ကုန်မြို့ ဝေနေယျသုခ ရေချမ်းစင်အသင်းမှ ကျမတို့မေတ္တာကမ္ဘာလူမှုကူညီရေးအသင်းအား ပေးအပ်ချီးမြှင့်သည့် အထူးမှတ်တမ်းတင် ဂုဏ်ပြုလွှာ
အသင်းဝင်မန်ဘာအားလုံး နှင့် အလှူရှင်များအားလုံး အတွက် အောက်ပါ အလှူငွေဖြတ်ပိုင်းကို ဖော်ပြပေးလိုက်ပါတယ်ရှင်..။ရဲမွန်ဘုန်းတော်ကြီးသင်ကျောင်းအတွက် ရေသန့်စက်နှင့် စတီးရေချမ်းစင် လှူဒါန်းရန် စုစုပေါင်း ကုန်ကျငွေမှာ မြန်မာငွေ ကျပ် ၈၅၀၀၀၀ (ကျပ်ရှစ်သိန်းခွဲတိတိ) ဖြစ်ပါသည်။ ကျမတို့ အသင်းမှ ဝေနေယျသုခရေချမ်းစင် အသင်းသို့ ပေးအပ်လှူဒါန်းခဲ့သော လှူဒါန်းငွေဖြတ်ပိုင်းအား MWF မန်ဘာများနှင့် MWF အလှူရှင်များ အတွက်ဖော်ပြပေးလိုက်ပါသည်....။လစဉ် ငွေစာရင်းရှင်းတမ်းကို MWF ၀က်ဆိုဒ်ပြီးပါက အသေးစိတ်ဖော်ပြပေးပါမည်...။ Member,Adviser,Volunteer များနှင့် အလှူရှင်များ အားလုံးတို့အနေဖြင့် လောလောဆည် ငွေစာရင်းနှင့် ပတ်သတ်၍ မရှင်းလင်းသည်များ ၊ မေးမြန်းစရာများ ရှိပါက မလီလီဟွာ ( MWF -Accountant Manager ) ထံသို့ အချိန်မရွေးဆက်သွယ်မေးမြန်းနိုင်ကြပါသည်...။လှူဒါန်းခဲ့သော ရေသန့်စက်နှင့် ရေစင်ဓါတ်ပုံများရရှိပါက ထပ်မံဖော်ပြပေးပါမည်။
ကျမတို့ မေတ္တာကမ္ဘာလူမှုကူညီရေးအသင်းအနေဖြင့် မြန်မာပြည်တွင် အမှန်တစ်ကယ်လိုအပ်လျှက်ရှိသော နေရာလေးများတွင် ကျမတို့ တက်စွမ်းသရွေ့ စဉ်ဆက်မပျက်လှူဒါန်းမှုပြုနိုင်ရန် ကြိုးစားလျှက်ရှိပါသည်...။တစ်ယောက်အားဖြင့် ယူ၍မရ တစ်သောင်းအားဖြင့်ယူမှရမည် ဟူသော စကားအတိုင်း ကျမတို့ မေတ္တာကမ္ဘာ၏ အနာဂတ်ခရီးလမ်း သာယာဖြောင့်တန်းနိုင်စေရန် နှင့် ဒီ့ထက်မက မိမိတို့နိုင်ငံမှ ကွက်လပ်လေးများကို ဖြည့်စည်းပေးနိုင်ကြရန်၊ ပရဟိတလုပ်ငန်းများကို ကူညီပံ့ပိုးပေးနိုင်စေရန်အတွက် ... ကမ္ဘာ့နိုင်ငံ အသီးသီးမှ လှူဒါန်းလိုကြသော သူငယ်ချင်း မောင်နှမများအားလုံးကိုလည်း မေတ္တာကမ္ဘာလူမှုကူညီရေးအသင်းအဖွဲ၏ ကိုယ်စား ကျမ နှင်းဟေမာ မှ လှိုက်လှဲစွာဖိတ်ခေါ်အပ်ပါသည်...။ကျမတို့၏ ပထမအကြိမ်မြောက် အလှူဒါန ကောင်းမှုအစုစုအတွက် သာဓု ခေါ်ဆိုနိုင်ကြစေရန် ယခုကဲ့သို့ ရေးသားဖော်ပြလိုက်ရခြင်းဖြစ်ပါသည် .....။
ခင်မင်လေးစားစွာဖြင့်
နှင်းဟေမာ
5 July 2009
Posted by မင်္ဂလာပါ .... at 1:09 PM 2 comments
Labels: ကျမ နှင့် ပရဟိတ
ထေရ၀ါဒ ဓမ္မဒဿနသမ္ပဒါ နည်းအဖြာဖြာဖြင့် တရားဒေသနာတော်များကို ဖြန့်ဝေဟောကြားတော်မူသော ကျေးဇူးတော်ရှင် ဓမ္မစေတီဆရာတော် ဘဒန္တကောသလ္လ M.A(Buddhism) ၏ အထူးတရားပွဲ ( အွန်လိုင်းအထူးတရားပွဲ )
်ကျေးဇူးတော်ရှင် ဓမ္မစေတီဆရာတော် ဘဒန္တကောသလ္လ M.A(Buddhism) သည် သြဂုတ်လ ၇ ရက် ဒေသစံတော်ချိန် ( Pacific Standard Time (UTC-8)) ည ၇ နာရီ ၊ မြန်မာစံတော်ချိန် သြဂုတ်လ - ၈ ရက် မနက် ၈ နာရီခွဲ ၊ စင်္ကာပူစံတော်ချိန် နံနက် ၁၀ နာရီ ၊ ရုရှားစံတော်ချိန် နံနက် ၆ နာရီ တိတိ အချိန်တွင် ထေရ၀ါဒ တရားဒေသနာတော်ကို ဟောကြားချီးမြှင့်တော်မူမည်ဖြစ်ပါသည်။
အဆိုပါတရားပွဲအား http://www.live.dhammathukha.com/ မှ တိုက်ရိုက်နာ နိုင်အောင် Live Show လွှင့်ပေးမည်ဖြစ်ပါကြောင်း နှိုးဆော်အသိပေး လိုက်ရပါသည်။
သို့ပါ၍ ကမ္ဘာ့နိုင်ငံအသီးသီးမှ ဗုဒ္ဓဘာသာဝင် တရားချစ်ခင်သူတော်စင်များအပေါင်းတို့အနေဖြင့် ကြုံတောင့်ကြုံခဲလှစွာသော ထေရ၀ါဒ အွန်လိုင်း အထူးတရားပွဲကို အတူတစ်ကွ ရိုသေစွာ နာယူကြည်ညိုနိုင်ကြရန် အတွက် နိဗ္ဗာန်အကျိုးမျှော်၍ နှိုးဆော်လိုက်ရခြင်းဖြစ်ပါသည်။
ခင်မင်လေးစားစွာဖြင့်
နှင်းဟေမာ
3 August 2009
Posted by မင်္ဂလာပါ .... at 9:44 PM 3 comments
Labels: သတင်း
Posted by မင်္ဂလာပါ .... at 4:44 AM 8 comments
Labels: ကိုယ်ပိုင် ကဗျာ