Tuesday, August 18, 2009

နှင်းဟေမာနှင့်လတ်တလောအခြေအနေ

အားလုံး အားလုံး အားလုံး မင်္ဂလာပါ ... ( ဇော်ပိုင်ကို အားကျလို့ )း)

ခုတစ်လောမှာ ကျမ အလုပ်တွေ ရှုပ်နေသလို အရှုပ်တွေပါ ၀င်လာလို့ ပို့စ်အသစ်လဲ မတင်နိုင်ဖြစ်နေပါတယ် ...။ နေ့စဉ် လာရောက်ကြသော သူငယ်ချင်းများ အားလုံးကို ကျမရဲ့ ပျက်ကွက်မှုတွေအတွက် နဲ့ စိတ်အနှောက်အယှက်ဖြစ်စရာများရှိခဲ့ပါက နားလည် ခွင့်လွှတ်ပေးကြပါလို့ ပြောပါရစေရှင် .....။
ဒီလ ၂၂ ရက်နေ့မှာ ကျမ အကြောက်ဆုံးဘာသာ တစ်ခုဖြစ်တဲ့ Project Planning & Control ဘာသာကြီးလဲ ဖြေရဦးမှာပါ ....။ဒီဘာသာရပ်ထက် သင်ကြားတဲ့ ပရော်ဖက်ဆာကို ကြောက်တာဆိုရင် ပိုမှန်မယ်ထင်ပါတယ် ...။ ပရော်ဖက်ဆာက လူမျိုးက ကိုးရီးယား ၊ စာသင်ရင်လည်း တိကျပြတ်သားပြီး တစ်ခုမှ အမှား မခံသောဆရာလဲဖြစ်သေးတယ်..။ Break time ပေးရမှာကိုတောင် တော်တော်ကပ်စေးနည်းပါတယ်...။
သူ့ဘာသာဖြေရမှာဆိုတော့ လန့်တာလိုလို ရင်ခုန်တာလိုလိုနဲ့ ...။ ကြောက်လို့များ နှင်းဟေမာ စာတွေနင်းကန် အသဲအသန်ကြည့်နေပြီလားလို့တော့ မထင်လိုက်ကြပါနဲ့ ခုမှ စ ကြည့်ရမှာပါ....းP ။
လတ်တလော ဖြစ်ပျက်နေတာလေးကို ရင်ဖွင့်ရရင်တော့ ရုံးမှာ လည်း အင်တာနက် သုံးချိန်မရှိအောင်ကို ဗျာများနေခဲ့ပါတယ် ...။ ကျမ ရဲ့ စီနီယာကြီးက ဂျာမဏီကို ၆ လ Training သွားနေတဲ့အတွက် အလုပ်တွေကို နှစ်ယောက်စာ သိမ်းကြုံးလုပ်နေရတာ မေးလ် တွေကို တောင် သူငယ်ချင်းကပဲ စစ်ပေးနေရပါတယ် ...။ အစကတော့ သူ့ကို မြန်မြန်သွားပါစေလို့ ကြိတ်ပြီးဆုတောင်းနေခဲ့တာ...ခုတော့လည်း မြန်မြန်ပြန်လာပါစေ လို့ဆုပြန်တောင်းရမလိုလို ဖြစ်နေပါတယ်...။ ဘယ်လောက်ပဲ ပင်ပမ်းနေနေ မအိပ်ခင် အချိန်လေးမှာတော့ ကျမရဲ့ ဘလော့ကမ္ဘာလေးထဲကို အလွမ်းပြေတစ်ချက်လောက်တော့ ကြည့်လိုက်ပါသေးတယ် ...။ စီဘောက်ထဲမှာ တစ်ချို့က ဘာတွေဘာလိမ့်....အင်း ..... မပြောတော့ပါဘူးလေ ... ( တံတွေးကို အားရပါးရမျိုချလိုက်ရင်း) ။
လတ်တလောမအားလပ်တဲ့ အခြေအနေလေးတွေကြောင့် ပို့စ်အသစ်မတင်နိုင်သေးတာ ခွင့်လွှတ်ပါရှင်လို့ ချရေးမလို့ ပြင်နေတုန်း ကျမရဲ့ ဟန်းဖုန်းလေးဆီက မြန်မာ့ရှုခင်း၊ မြန်မာ့စိတ်ရင်း တီးလုံးသံလေး ထမြည်လာခဲ့ပါတယ် ...။ သေချာတယ် ဒီလိုအချိန်မတော်ကြီးမှာ Star Hub ကတော့ Dear Customer ဆိုပြီး ဖုန်းအကြွေးလှမ်းတောင်းတာ တော့မဖြစ်နိုင်....လို့တွေးရင်း မက်ဆေ့ကို အမြန်ဖတ်လိုက်တယ် ...။ ပို့တဲ့သူက မိတ်ဆွေကြီး ကိုထွန်းလှိုင် ပဲ...။
Hi twm .... တဲ့ သူ့မွေးနေ့ကို ဖိတ်တဲ့ မက်ဆေ့ ၊ သူ့လိပ်စာအပြည့်အစုံမပါဘူး အခန်းနံပါတ်ဖြစ်ပုံရတယ် 06 ဆိုတာလေးပဲ ရေးထားပေးတယ် သေချာတာက သူ့ရဲ့တစ်ခြားမိတ်ဆွေဆီပို့တာ ငါ့ဆီတော့လွဲပြီးရောက်လာပြီလို့တွေးလိုက်တယ် ...။ တစ်ခုဆိုးတာက မွေးနေ့မှာ မြန့်မာ့ရိုးရာ ကျောက်ပန်းတောင်း ပလာတာ နဲ့ ကြက်သားအားလူးဟင်း ကျွေးမယ် ဆိုတော့ အလိုက်သိတဲ့ ဗိုက်ကလဲ ရုတ်တရက်ကြီး အသံပေးလိုက်တာများ ဂွီ .. ကနဲပဲ ...။မွေးနေ့ မဖိတ်တာတော့ စိတ်မဆိုးမိ ညသန်းခေါင်ကြီး ဗိုက်ဆာနေတဲ့အချိန်မှာ ဒီမက်ဆေ့ ပို့လိုက်တဲ့ အလိုက်မသိမှုကိုပဲ စိတ်တိုမိတယ် ...။
ဖုန်းလှမ်းဆက်ပြီး မေးတော့မယ် ပြင်တုန်း အခန်းတံကားက ၀ုန်းကနဲ ပွင့်လာတယ် ...။အိပ်ချင်မူးတူး ၊ ဆံပင် စုပ်ဖွားနဲ့ အိမ်က မမ ... ပါးစပ်ကပါ ပြောလိုက်တာက ကိုထွန်းလှိုင်ကြီး မက်ဆေ့မှားပို့လိုက်တယ်တဲ့ ...။ ဟင် ဟုတ်လား မီးမီး ဆီလဲ ပို့တယ် အစ်မ မှားတာမဟုတ်လောက်ဘူး ဒါဆိုရင် အားလုံးဆီပို့နေတာဆိုတော့ ...။ သူကလဲ ထပ်ငြင်းလိုက်သေးတယ် မှားတာပါ Hi twm လို့ရေးထားတယ် သူ့သူငယ်ချင်း တစ်ယောက်ဆီပို့တာနေမှာပါတဲ့ ...။ ကျမလဲ လေရှည်နေမှာစိုးတာနဲ့ ပြီးပြီးရောပဲ ဘာသာပြန်လိုက်တယ် twm ဆိုတော့ သူ့သူငယ်ချင်း တင်ဝင်းမောင် ကို ပြောတာပါ အစ်မ ရာ လို့...။အင်း ဟုတ်မှာပါ လို့ အစ်မ ကလဲ ထောက်ခံရင်း အိပ်မှုန်စုန်မွှားနဲ့ပဲ အခန်းထဲပြန်ဝင်သွားလေရဲ့ ....။

နောက်နေ့မနက် ရုံးလည်းရောက်ရော Project Manager ဦးထိပ်ပြောင် ( Mr.Tay)က ခရီးရောက်မဆိုက်ပဲ ဆိုက်ထဲသွားဖို့ ကိုယ့်ကိုစောင့်နေတာတဲ့ ...။ ဟိုက် သေပြီဆရာလို့ စိတ်ထဲက ညည်းလိုက်ရင်း လိုအပ်တဲ့ကိရိယာတွေယူဆောင်ပြီး Jurong Island ကို ဒိုးလိုက်ရတာ ညနေ ၄ နာရီခွဲ လောက်မှ ရုံးပြန်ရောက်လာပါတယ် ....။လမ်းမှာ စိတ်ကူးယဉ်လာတာ ... ရုံးရောက်တာနဲ့ ခေါက်ဆွဲလေးပြုတ်စားပြီး ပို့စ်လေးတစ်ခုလောက်တော့ ရေးဦးမယ်ပေါ့ ...။
ရုံးလည်းရောက်ရော မှန်းချက်နဲ့ နှမ်းထွက်က တက်တက်စင်လွဲပြန်ပါတယ် ... ဆေးရုံတက်နေတဲ့ သူဌေးက လက်မောင်း ပိုက်တန်းလန်း နဲ့ ရုံးက ကိုယ့်ထိုင်ခုံပေါ်မှာ ငုတ်တုတ်ကြီး စောင့်လိုက်လို့....။စီနီယာမရှိလို့များ နားပူသက်သာမယ်ထင်နေတာ သူဌေးက စိတ်မချလို့ ကိုယ့်ကို အရေးကြီးတဲ့ Piping တွက်နည်းလေးတစ်ခု လာသင်တာတဲ့ ....။မျှော်လင့်ထားတဲ့ ခေါက်ဆွဲပြုတ်လဲ ဘယ်ရောက်သွားမှန်းမသိ computerဆိုတာဘယ်နားနေမှန်းတောင် မသိလိုက်ရပါ ....။
အရေးထဲ Sale Engineer တစ်ယောက်ကပါ ကိုယ့်ကို ပြန်လာတာနောက်ကျ လို့ဆိုပြီး ငိုတော့မဲ့မျက်နှာကြီးနဲ့ သူဌေးမမြင်အောင် လုပ်ပြနေပါသေးတယ် .....။ သူက ရုံးမှာသူဌေးမရှိရင် စွာကျယ်စွာကျယ်နဲ့ စကားအများဆုံး ၊သူဌေးရှိရင်လဲ ဒိုင်ခံ ဘယ်သူ့မှ အလှည့်မပေးပဲ သူတစ်ဦးထဲ အဆူခံနေကျလေ....။ ညစ်ညစ်နဲ့ပဲ သူ့ကိုတောင် ပြန်ပြီးသနားရတော့မလို ....။ အင်း ... ဒီနေ့ တွတ်ပီတို့ကံမကောင်းပါလား နော် ...။ ည(၇)နာရီတိတိမှပဲ ပြန်လာခဲ့ရပါတယ် ....။
ရုံးဆင်းပြီဆိုမှ ဖုန်းကိုသတိရသွားပြီး ကြည့်လိုက်တော့ မရေမတွက်နိုင်သော မက်ဆေ့တွေ ... Miss call တွေ....။သွားပါပြီ ဒီည အပီအပြင်စာကြည့်မယ် ကြုံးဝါးထားတာ မွေးနေ့ပွဲက မဖြေစ်မနေ သွားဖို့ကို ဖြစ်လာခဲ့ပြီ ....။ ဟိုက် ..လာကိုလာရမယ်ဆိုပါလား ...။ သွားကိုသွား၇တော့မှာပေါ့ ....။ မွေးနေ့လက်ဆောင်ကအစ သူငယ်ချင်းတစ်ယောက်က တာဝန်ယူဝယ်လာမည်ဆိုတော့ တော်သေးတယ် ဘာပေး၇င်ကောင်းမလဲဆိုတဲ့ ကိစ္စအတွက် ခေါင်းရှုပ်စရာမလိုတော့ ....။အိမ်ရောက်တော့လည်း ၇ နာရီကျော်နေပြီ .....။
မနေ့ညက နိုက်ဂျူတီပြီးတာနဲ့ အားလုံးဆီကို မွေးနေ့ဖိတ်ထားကြောင်း နဲ့ tomorrow နဲ့ တင်ဝင်းမောင် လွဲရတဲ့ ကိစ္စခုမှပဲ အဖြေမှန်သိရတော့တယ်...။
အိမ်က အစ်မ နဲ့နှစ်ယောက် မွေးနေ့ပွဲကျင်းပ ရာ Tanjong Parger,Keppel Road ကိုဦးတည်ခဲ့ကြပါတယ် ...။ကျမမှာ တစ်နေကုန် နေပူပူ ကျွန်းပေါ်မှာပင်ပမ်းလာခဲ့တာကြောင့် လမ်းတောင်ကောင်းကောင်းမလျှောက်ချင်တော့ပါ ...။
အရေးထဲ တက်စီးမိတဲ့ရထားကလည်း Ang Mo Kio MRT မရောက်ခင်မှာ ကြေငြာလိုက်တယ်
This train service will terminate at this station
တော်တော်ကြီးကို စိတ်ညစ်သွားတယ်... ။လူက များပါတယ်ဆို နောက်တစ်စီးလာအောင်စောင့်ရင်လဲ သေချာပေါက် နေရာမရလောက်တော့ဘူး။ ( ဗိုက်ဆာလို့ ) ဘယ်လိုမှသီးမခံနိုင်တော့တာနဲ့ MRT Station ထဲကနေထွက်ပြီး တက္ကစီပဲငှါးစီးပြီးသွားလိုက်တော့တယ် .....။
တွတ်ပီတို့ ကံမကောင်းပုံများပြောပါတယ် မွေးနေ့ပွဲရှိတဲ့နေရာလည်းရောက်ရော သူတို့နေတဲ့တိုက်က အထက်၂၀ရှိတယ် ....။Lift ၂ခုလုံးက လည်း တော်တော်နဲ့ဆင်းမလာဘူး ....။ ၁၀မိနစ်လောက်နေမှ မစောင့်နိုင်တော့လို့ ၆လွှာထိ ဒီတိုင်းပဲတက်သွားလိုက်တော့တယ် ....။(မွေးနေ့ရှင်ကိုယ်တိုင်ဆင်းပြီးလာခေါ်ရှာပါတယ်)အပေါ်တောင်မရောက်သေးဘူး သူငယ်ချင်း မမတို့ရဲ့ ရယ်သံတွေက အတိုင်းသားကြားနေရပါတယ်...။
ကျမမျက်နှာကတော့ ရှစ်ခေါက်မကတော့ဘူး ၁၆ခေါက်လောက်ကျိုးနေပြီတဲ့...။ဟန်မဆောင်နိုင်အောင်ပဲ ပလာတာပန်းကန်ကို ခေါင်းမဖော်တမ်းတီးပစ်လိုက်တယ်....းp ။ တစ်ပန်းကန်ထဲမ၀သေးလို့ ဘေးဘီဝဲယာကိုကြည့်လိုက်တော့ ကိုယ်နဲ့မသိတဲ့သူတွေလဲ ကိုယ့်ဘေးမှာရပ်နေကြတယ်...။မွေးနေ့ရှင်ကြီးကို အသာခေါ်ပြီး ဟင်းရေလေးနည်းနည်းလောက်ယူမယ်လို့ ... မွေးနေ့ရှင်က ကိုယ့်ပန်းကန်လေးယူပြီးထွက်သွားတော့မှ ကိုယ်လည်း မီးဖိုထဲထိ ပြေးပြီးလိုက်ပြောတာ...။ကိုထွန်းလှိုင်ကြီး မီးမီး က ဟင်းရေလိုချင်တာမဟုတ်ဘူး နောက်တစ်ပန်းကန်ထပ်ယူဦးမှာ လို့လေ....အဟိ ( ရှက်ရှက်နဲ့ပဲဝန်ခံတာ)...။သူကလဲ ပြန်ပြောပါတယ် သိပြီးသား ၊ သိပြီးသား ပြောစရာမလိုဘူးတဲ့းp

စောစောက အသံမထွက်နိုင်တဲ့ ကျမ ၂ပန်းကန်လောက်တီးပြီးတော့မှပဲ စကားပြောနိုင်တော့တယ် ....။စားပြီးလို့ စကားနည်းနည်း ပြောပြီး ည ၁၀ နာရီလောက်မှာ မွေးနေ့ရှင်ကို နှုတ်ဆက်ပြီး ကျမတို့ တစ်အုပ်စုပြန်ခဲ့ကြတယ်....။မွေးနေ့ရှင်ကလည်း MRT ထိပို့မယ်တဲ့ ....။ကောင်းပြီပေါ့ ဒါဆိုလည်းပို့ပေါ့လေ ....။လမ်းတစ်ဝက်လည်းရောက်ရော သူငယ်ချင်း တစ်ယောက်က ဗွေဖောက်ပြီး China Town ဘက်လမ်းလျှောက်ကြမယ်တဲ့ ....။ညခင်းလေးက သာသာယာယာ...... စားပြီးကာစမှာ ဗိုက်လေးကလည်း ငြိမ်နေတော့ ကျမကလည်း စိတ်တူကိုယ်တူပဲ China Town ထိလမ်းလျှောက်ကြမယ်ပေါ့ ...။အဲဒါနဲ့ပဲ မွေးနှေ့ရှင်အပါအ၀င် စုစုပေါင်း (၇)ယောက် ညီညီညာညာ ချီတက်ခဲ့ကြပါတယ်....။
ဒီတစ်ညကတော့ ကျမ စိတ်လွတ်လွတ်လပ်လပ်ကို ပျော်ရွှင်ခဲ့ပါတယ် .....။ ဒီနေရာကို တစ်ခါမှလည်း မရောက်ဘူးသလို ခုလိုမျိုး ပျော်စရာကောင်းတဲ့ အချိန်တွေလည်း ဆုံးရှုံးခဲ့တာကြာပါပြီ....။
ရုံးက အလုပ်ကိစ္စတွေရော ၊စာမေးပွဲအတွက် ပူပန်နေတာတွေရော ထွက်လာတုန်းက စိတ်မပါလက်မပါနဲ့ နောက်ဆံတင်းနေသလိုလို မလွတ်မလပ်ဖြစ်နေတဲ့စိတ်တွေက ပေါ့ပါးလန်းဆန်းလို့ .....ဒီတစ်ညတာ မမျှော်လင့်ပဲရခဲ့တဲ့ ပျော်ရွှင်မှုလေးကို ကျမ ဘယ်တော့မှမေ့လို့မရတော့ပါဘူး ....။တစ်ဆိုင်ဝင် တစ်ဆိုင်ထွက် လျှောက်ကြည့်ပြီး ဟာသတွေပဲ တစ်လမ်းလုံးပြောရတာ တော်တော်လေးလည်း ပင်ပမ်းလာတယ်...။
မနက်ရုံးတက်ကြရမယ့်သူတွေမဟုတ်သလိုပဲ ည ၁၂ နာရီကျော်လောက်မှာ နောက်ဆုံးရထားနဲ့ ပြန်ခဲ့ကြပါတယ်...။ သူငယ်ချင်းတွေလို့ သုံးထားပေမယ့် အားလုံးက ကျမနဲ့တစ်ယောက်မှ ကျောင်းလည်း မတူ၊ဘွဲ့လည်းမတူ၊ အသက်အရွယ်လည်းမတူ၊အလုပ်အကိုင်တွေလည်း မတူညီပါ ....။ သို့သော် ထိုသူများက ကျမဘ၀ရဲ့ မိတ်ဆွေကောင်း များဖြစ်သလို သူငယ်ချင်းကောင်းများလည်းဖြစ်ပါတယ်.....။



ဤပို့စ်လေးနဲ့အတူ မွေးနေ့ရှင် ကိုထွန်းလှိုင် တစ်ယောက် ဘယ်နှစ်နှစ်မြောက်မှန်း မသိတဲ့ မွေးနေ့မှစ၍ နောင်နှစ်ပေါင်းများစွာထိ အမျိုး ဘာသာ သာသာနာ ၏ အကျိုးများကို ဆထက်တပိုး ထမ်းဆောင်နိုင်ပါစေလို့ သူငယ်ချင်း အားလုံးရဲ့ ကိုယ်စား ဆုမွန်ကောင်း တောင်းအပ်ပါတယ်....။


( ဘာရယ်လို့တော့မဟုတ်ပါဘူး စိတ်ကူးထဲရှိတာလေး နဲ့ လတ်တလော ကိုယ့်အခြေအနေ လေးတွေကို ချရေးလိုက်တာပါ .... စာမေးပွဲပြီးရင်တော့ ပို့စ်အသစ်လေးတွေ တင်ပါ့မယ်... ခုတော့ စာမေးပွဲအတွက် ပြင်ဆင်နေရလို့ ခေတ္တ နားခွင့်ပြုပါရှင် ....။)



အားလုံးကို ခင်မင်တဲ့
နှင်းဟေမာ
18 August 2009

4 comments:

ကြည်ဖြူပိုင် said...

အလုပ်တွေအရမ်းရှုပ်နေတယ်ပေါ့လေ..နားနား..စာကြိုးစားပါညီမလေး...ကျောင်းအမြန်ပြီးတော့လဲ အေးအေးစေးစေး တို့တွေဘလော့ဂါလုပ်လို့ရတာပေါ့ နောက်ဆံတင်းစရာမလိုဘူး..ပျော်စရာ...
စကားမစပ် နှင်းဟေမာက NUS မှာမာစတာတက်နေတာလား...တို့တွေအိမ်ချင်းနီးရင်တွေ့လို့ရတာပဲ..ကောင်းပါတယ်ညီမလေး..ပျော်ရွှင်ပါစေကွယ်

Anonymous said...

အလုပ်တွေများနေရင် ကျန်းမာရေးဂရုစိုက်အုံးနော်၊အသစ်တင်တယ်ဆိုမှလာဖတ်တော့မယ်နော်.. စာမေးပွဲဖြေနိုင်ပါစေ အစ်မ
ဆုတောင်းပေးလိုက်တယ်နော်..

မယ့်ကိုး said...

ညီမလေးရဲ့ လက်တလောအခြေအနေလေးကို လာဖတ်သွားတယ်...
နောက်လည်း သိရအောင် လင့်ခလည်း ထားမယ်နော်။

yangonthar said...

မနှင်းဟေမာ ရဲ့ ခုတလောဖတ်ပြီး ကျွန်တော်
တောင်သာခွေယိုင်ဖြစ်သွားပြီ တော်တော်
အလုပ် လုပ်နိုင်တယ် ချီးကျူးပါတယ် စာရေး
လေးက ကောင်းတော့ ဖတ်လို့ လွှတ်ကောင်း
တယ်
ပျော်ရွှင်ပါစေ စာမေးပွဲမှာ အဆင်ပြေပါစေ
ရန်ကုန်သား :D