Sunday, July 12, 2009

ပြန်လည်သုံးသပ်ခြင်း




လိုအပ်ချက်တွေ များစွာနဲ့ငါ
တစ်ခါတစ်လေ လူတွေနဲ့ အဆင်မပြေတဲ့ငါ
ဖြစ်ချင်တာတွေနဲ့ ဖြစ်လာတာတွေ
အမြဲ လွဲတတ်တဲ့ငါ
ရည်မှန်းချက်တွေများစွာအတွက်
အဆုံးမသတ်တတ်သေးတဲ့ငါ
တွေဝေမှုတွေ များစွာနဲ့
မဆုံးဖြတ်နိုင်သေးတဲ့ငါ
စိတ်ဓါတ်တွေ ပုံပုံကျ ပြန်ထဖို့
ခက်ခဲလှတဲ့အခါ ကျမှ....
လိုအပ်ချက်တွေများစွာနဲ့
ငါ့ကိုယ်ငါ ပြန်သုံးသပ်ကြည့်မိတယ်....

ငါဟာ မှန်ကန်ဖြောင့်မတ်ဖို့၊
သစ္စာရှိဖို့ လိုအပ်တယ်
ငါ့ကိုယုံကြည်ကြသူများ
ငါ့ကိုအားကိုးနေသူများအတွက်။
ငါဟာ ရိုးသားဖြောင့်မှန်ဖို့ လိုတယ်
ငါ့ကို တန်ဖိုးထားသူများ
ငါ့ကိုလေးစားကြသူများအတွက်။
ငါဟာ ကြံ့ခိုင်ဖို့ လဲလိုတယ်
ကျေးဇူးရှင်မိဘနှစ်ပါးနဲ့
ငါ့ရဲ့ မဆုံးနိုင်သောရည်ရွယ်ချက်များအတွက်။
ငါဟာ ရဲရင့်ဖို့လိုအပ်တယ်
စွန့်စား စရာတွေ အများအပြားနဲ့
လောကဒဏ်အလှည့်အပြောင်းတွေအတွက်။
ငါဟာ ရန်သူ မိတ်ဆွေမခွဲပဲ ပေါင်းသင်းဆက်ဆံဖို့လိုတယ်
ငါ့ရဲ့ ရင့်ကျက်မှုတွေနဲ့
သည်းခံနိုင်မှု စွမ်းရည်တွေအတွက်။
ငါဟာ ပေးဆပ်နိုင်ဖို့တော့လိုတယ်
ရယူလိုမှုကင်းစွာနဲ့
စိတ်ဓာတ်ရင့်ကျက်မှုတွေအတွက်။
ငါ့ကိုယ်ငါ နှိမ့်ချဖို့လည်းလိုတယ်
အတ္တနဲ့ မာန်မာနတွေ
လျှော့ချနိုင်ဖို့အတွက်။
ငါဟာ မှန်ကန်ဖြောင့်မတ်လာတဲ့တစ်နေ့
ငါရဲ့စိတ်ဓာတ်တွေ ကြံ့ခိုင်လာတဲ့တစ်နေ့
ငါ ရင့်ကျက်တည်ငြိမ်လာတဲ့တစ်နေ့
ငါ့ရဲ့ ဆုံးဖြတ်ချက်တွေ ရဲရင့်ပြတ်သားလာတဲ့တစ်နေ့
ငါ လူအားလုံးကို တန်းတူမြင်နိုင်တဲ့တစ်နေ့
ငါ့ရဲ့ပေးဆပ်ခြင်းတွေ ကျယ်ပြန့်လာတဲ့တစ်နေ့
ငါ့ရဲ့ မာန်မာန အတ္တတွေ ကင်းစင်သွားတဲ့တစ်နေ့
ငါ့ကို ချဉ်းကပ်ကြလိမ့်မယ်
အဲဒီအခါ ငါ ကျေနပ် ကြည်နူးမယ် ...
ငါ ပျော်ရွှင် ၀မ်းမြောက်မယ်...
အဲဒီအခါ ငါ ပူးပေါင်းညီညွတ်မှုတွေနဲ့
လောကကြီးကို အလှဆင်မယ်...
တိုတောင်းတဲ့ ငါ့ ဘ၀ခရီးတစ်ခုမှာ
အဓိပ္ပါယ်ရှိစွာ ရှင်သန်နိုင်ဖို့ အတွက်ပေါ့....

အဆင်မပြေမှုလေးတွေနဲ့ ကြုံရတိုင်း မိမိကိုယ်ကိုယ် ပြန်လည်သုံးသပ် တက်ကြပါစေရှင်....။

နှင်းဟေမာ
11 JULY 2009

0 comments: