Tuesday, September 27, 2011

မွေးနေ့ရှင်အတွက် မွေးနေ့ဆုတောင်း


“ ရင်ထဲမှာနွေးထွေးလှိုက်လှဲခြင်းတွေနဲ့
သံယောဇဉ်ကြိုးတွေက အထပ်ထပ်....
ခိုင်မြဲစွာ ရစ်ပတ်ချည်ရင်း
နားလည်ခွင့်လွှတ်ခြင်းနဲ့
နှစ် ...လ ...ရက်....တွေကျော်ဖြတ်လာခဲ့တာ ....
ဒီနေ့ဟာ ... ၂၆ စက်တင်ဘာတဲ့ကွယ်......
ဟောဒီ့ရက်လေးကို ဘ၀တစ်သက်
ဘယ်တော့မှ မမေ့နိုင်ရက်ပါဘူးချစ်သူ ...”

“ကျမအတွက် အလိုက်သိတတ်လွန်းတဲ့
မွေးနေ့ရှင်နဲ့အတူ ....၂၆ စက်တင်ဘာကိုချစ်တယ်...
မလိုသူတွေရဲ့ ထိုးနှက်မှု....
ပြစ်တင်ဝေဖန် ကဲ့ရဲ့သူတွေရဲ့ရန်ကို မမှုပဲ
သူ့ဘ၀ရဲ့ အနှစ်၃၀ကျော်ကာလမှာ
ကျမအတွက် ဘ၀ကို သုညကပြန်စရဲခဲ့တဲ့
စက်တင်ဘာ၂၆ မွေးနေ့ပိုင်ရှင်ကို ချစ်တယ်.....”
“မှတ်တိုင်တစ်ခုရဲ့ ခရီးတစ်ထောက်မှာ
လွတ်လပ်ပျော်ရွှင်ခြင်းနဲ့ 
အောင်မြင်မှုပန်းတိုင်တစ်ခုဆီကို ရောက်ဖို့
ကျမလက်ကို မြဲမြဲတွဲပြီး
ယုံကြည်စွာ လျှောက်လှမ်းရဲတဲ့
ဟောဒီ့စက်တင်ဘာ ၂၆ ရက်မှာကျရောက်သော
မွေးနေ့ရှင်သူ့အတွက်.....
ကျမအနားမှာ ဘယ်အခက်အခဲကိုမှမှုပဲ
အမြဲထာဝရတတ်ကြွပျော်ရွှင်နေခဲ့သူ 
တစ်ယောက်အတွက်.....

ဂီတနဲ့အနုပညာကြားမှာ
ရူးသွပ်စွာ မွေ့လျော်တတ်သူတစ်ဦးအတွက် ...

စာပေကိုမြတ်နိုးပြီး ကျမချစ်တဲ့ကဗျာတွေကို
တန်ဖိုးထားတတ်သူ  .... သူ့အတွက်....
ယနေ့ကျရောက်ခဲ့သော
မွေးနေ့ရက်မြတ်မှ အစပြု၍ ....

အချစ်စစ်စစ်နဲ့ ဘ၀အသစ်ကြားမှာ
မျှော်လင့်ခြင်း အသစ်တွေနဲ့
အောင်မြင်သော ...ပျော်ရွှင်သော ...
အဓိပ္ပါယ်ရှိသော မွေးနေ့ပေါင်းများစွာကို
ဖြတ်ကျော်နိုင်ပါစေ....

၂၆ စက်တင်ဘာ ၂၀၁၁ ဆိုတဲ့
သူ့ဘ၀ရဲ့ သတိပြုစရာ မှတ်တိုင်တစ်နေရာကနေ
အစပြုပြီး ......အိုခြင်း နာခြင်း သေခြင်းအမည်ရတဲ့
ခရီးဆုံးမှတ်တိုင် မရောက်ခင်အထိ
ကိုယ့်အနားမှာ အမြဲထာဝရ ရှိနိုင်သူတစ်ဦး
ဖြစ်စေကြောင်းရယ်လို့လဲ ..... ကမ္ဘာမြေကို တိုင်တည်ပြီး
ဆုတောင်း သစ္စာပြုလိုက်ပါတယ် .....”
ချစ်တဲ့မွေးနေ့ရှင်တစ်ဦး ပျော်ရွှင်ချမ်းမြေ့ပါစေကွယ် .....း)

*********************************************
ယနေ့နံနက်စောစော ၂၆ ရက် စက်တင်ဘာ ၂၀၁၁ မှာ မွေးနေ့ရှင်က သူ့အတွက် မွေးနေ့လက်ဆောင်ဘာပေးမှာလဲလို့ မေးခဲ့တော့  .... ပိုက်ဆံနဲ့ဝယ်လို့မရနိုင်တဲ့ ကျမအမြတ်နိုးဆုံး ကဗျာတစ်ပုဒ်ကို သူ့အတွက် မွေးနေ့အမှတ်တရ ရေးပေးပါ့မယ်လို့ ကတိပေးခဲ့ပါတယ်....။

ကျေနပ်ပျော်ရွှင်သွားတဲ့ သူ့အမူအယာကြောင့် ကျမတစ်ကယ်ပဲ ၀မ်းသာကျေနပ်မိပါတယ်။
စာပေကိုမြတ်နိုးပြီး ၊ ကျမ သိပ်ချစ်တဲ့ ကဗျာတွေကို တန်ဖိုးတတ်သူ တစ်ဦးရဲ့ ကျေနပ်ပီတိအပြုံးတွေအတွက် ... ကျမ အရမ်းကျေးဇူးတင်မိပါတယ်....။
Happy Birthday ...နော် ....း)

“နှင်း...

Sunday, September 25, 2011

ဧရာဝတီကိုထာဝရရှင်သန်စေလိုသည်

ကချင်၊ ကယား ၊ ကရင် ၊ ချင်း ၊ မွန် ၊ မြန်မာ ၊ ရခိုင် ၊ ရှမ်း ဆိုတဲ့ တိုင်းရင်းသားလူမျိုးစုအားလုံးရဲ့ အသက်သွေးကြော ..... အမိမြန်မာနိုင်ငံတော်ကြီး ထာဝရရှင်သန်ခြင်းအတွက် နှလုံးသားဝိဥာဏ် .....မြန်မာတစ်မျိုးသားလုံးအတွက် တန်ဖိုးအနဂ္ဃကြီးမားလှသော ဧရာဝတီမြစ်ကြီးနဲ့ ပတ်သတ်ပြီး တုန်လှုပ်စရာ ၊ ရင်နာစရာ ၊ ခြောက်ခြားဖွယ်ရာ သတင်းစကားတွေကို အခုတလော မီဒီယာတွေကနေ တစ်ဆင့် ၊ ဘလော့ဂါမောင်နှမတွေကနေတစ်ဆင့် ၊ ကျမနေထိုင်တဲ့ ကျွန်းနိုင်ငံလေးပေါ်မှာ တိုင်းပြည်ကိုသိပ်ချစ်တဲ့ မြန်မာလူမျိုးစုတွေဖြန့်ဝေပေးခဲ့တဲ့ လက်ကမ်းစာစောင်တွေကနေ တစ်ဆင့် တုန်လှုပ်ဖွယ်ရာ စီမံကိန်းသတင်းတွေကို ကြားသိခဲ့ရသည်...။


"မေခ၊မေလိခ ဆိုတာ မြန်မာပြည်သူတို့အတွက် ခွဲမရတဲ့ အသည်းလိုပဲ ၊ဧရာဝတီနဲ့ မြန်မာပြည်ဆိုတာကလဲ စွယ်တော်ရွက်လေးလို နှ စ်လွှာမှ တရွက်တည်း ဆိုတာ နည်းနည်းလေးမှ တွေးမကြည့်ကြပေဘူးလားလို့ ကျမ ရင်နာစွာတွေးမိပါသည်...။

သမိုင်းကို ဖျက်ရင် အမှန်တရားကျန်သေးတယ် ၊ ပထ၀ီကိုဖျက်ရင် တိုင်းပြည်ပျက်ပြီဆိုတဲ့ ကျမတို့ စာပေဖခင်ကြီး ဆရာဦးအောင်သင်း ရဲ့ လေးနက်မှန်ကန်တဲ့အဆိုအတိုင်းပြောရလျှင် ကျမတို့ချစ်သော အမိဧရာဝတီကြီးသာ တိမ်ကောသွားခဲ့ပါက ကျမတို့မြန်မာလူမျိုးသာမက ၊ တိုင်းပြည်တစ်ခုလုံးပါ ပျောက်ပျက်ရပေတော့မည်။
လွန်စွာမှာ စိုးရိမ်ကြောင့်ကြဖွယ်ကောင်းလွန်းသည့် စီမံကိန်းကြီးတစ်ခုပင်ဖြစ်တော့သည်။

ကျမလက်လှမ်းမှီသမျှ ဧရာဝတီအကြောင်း နှင့်ုမြစ်ဆုံဆည်စီမံကိန်းတည်ဆောက်ခြင်းမှ ရရှိလာမည့် ဆိုးကျိုးများကို ဖော်ပြရလျှင် -
ဧရာဝတီမြစ်သည် မြန်မာနိုင်ငံ၏မြောက်ဘက် ၊ ရေခဲသောတောင်ထိပ် တောင်ဖျားမှ ကျဆင်းလာသော ရေများမှအစာပြုကာ မြန်မာနိုင်ငံ၏ မြစ်ဝကျွန်းပေါ်မှတစ်ဆင့် ပင်လယ်ထဲသို့စီးဝင်ကာ အစမှအဆုံး မြန်မာနိုင်ငံအတွင်းမှာတည်ရှိစီးဆင်းနေပြီး ကျမတို့မြန်မာနိုင်ငံ တစ်နိုင်ငံတည်းပိုင်ဆိုင်ခဲ့သော မြစ်ကြီးတစ်စင်းဖြစ်ပါသည် ။
၂၆၁၂၂၇ စတုရန်းမိုင် အကျယ်အ၀န်းရှိခဲ့သော ကျမတို့အမိမြန်မာနိုင်ငံတော်ကြီး၏ အသက်သွေးကြောတစ်ခုဖြစ်သည့် ဧရာဝတီမြစ်၏အလျားမှာ ၁၃၄၈ မိုင်ရှိပြီး မိုးရေခံရပ်ဝန်း ၁၈၉၁၉ စတုရန်းမိုင် ၊ မြစ်ဝှမ်းဒေသအားဖြင့် ၁၅၉,၇၃၅ စတုရန်းမိုင် (နိုင်ငံတော်၏ ၆၁ ရာခိုင်နှုန်း ) ရှိသည်။
ကချင်ပြည်နယ် ၊ စစ်ကိုင်းတိုင်း ၊ မန္တလေးတိုင်း ၊ မကွေးတိုင်း ၊ ပဲခူးတိုင်း ၊ ရန်ကုန်တိုင်း ၊ ဧရာဝတီတိုင်း ၊ဆိုတဲ့ တိုင်းကြီးများကို ဖြတ်သမ်းစီးဆင်းပြီး ဧရာဝတီဲမြစ်ဝှမ်းတွင် မြန်မာနိုင်ငံ၏ လူဦးရေ ၅၄ ရာခိုင်နှုန်းတည်မှီနေထိုင်လျှက်ရှိကြသည် ။
ဧရာဝတီမြစ်ကြောတစ်လျှောက်မှာလဲ မြို့ကြီးမြို့ငယ်ပေါင်း ၇၀ကျော်တို့က နေထိုင်လျှက်ရှိကြပြီး ကျမတို့အမိမြန်မာနိုင်ငံတော်ကြီးတစ်ခုလုံးရဲ့ အရေးကြီးဆုံး ကူးသမ်းရောင်းဝယ်ရေးလမ်းကြောင်းကြီးတစ်ခုဆိုလျှင်လဲ မမှားပါ ။
တိုင်းပြည်အရေး နိုင်ငံတော်အရေးနှင့် မြန်မာတစ်မျိုးသားလုံး၏ အရေးတိုင်းသည် မြန်မာလူမျိုးတိုင်းမှာ တာဝန်ရှိကြသည့်အလျှောက် ကျမတို့မြန်မာတစ်မျိုးသားလုံးအနေဖြင့် ဧရာဝတီမြစ်ကြီးထာဝရရှင်သန်စေရေးအတွက် မိမိတို့တတ်နိုင်သည့်ဘက်က ပြင်းထန်စွာကန့်ကွက်ကြရပေလိမ့်မည်။
မြစ်ဆုံ၏အလှတရားများ ပျက်စီးသွားမည့်အပြင် မြစ်ဆုံဒေသမှာ ရိုးသားစွာနေထိုင်လျှက်ရှိကြသော ကချင်မျိုးနွယ်စုများ၏ ရိုးရာ ၊ ယဉ်ကျေးမှု ၊ လူမှုစီးပွားတစ်ခုလုံးပါ ကြီးမားစွာထိခိုက်နနစ်နာကြရတော့မည့်အရေးလဲဖြစ်သည် ။
စိုက်ပျိုးမြေသစ်တောများနှင့် သယံဇာတထုတ်လုပ်နိုင်သော မြေဧရိယာ ၁၈၀၀၀ ဧကခန့် ထာဝရ ရေအောက်မှာ နစ်မြှပ်သွားပေတော့မည်။
မျိုးသုဉ်းလုဖြစ်နေသော ရှားပါးတိရိစ္ဆာန် ၊ ကျေးငှက်သာရကာမျိုးစံနှင့် ၊ သစ်ပင်ပန်းမံပေါင်းများစွာ မျိုးတုံးပျောက်ကွယ်ကြပေတော့မည် ...။

စီမံကိန်းအရ ကျမတို့သိရသမျှတည်ဆောက်မည့်ဆည်စာရင်းများဖြစ်သည့် မြစ်ဆုံ (တပ်ဆင်ဓါတ်အား - ၆၀၀၀)  ၊ လိုင်ဇာ (တပ်ဆင်ဓါတ်အား - ၁၅၆၀) ၊ ကောင်းလန်ဖူး (တပ်ဆင်ဓါတ်အား - ၁၇၀၀)  ၊ လာကင် (တပ်ဆင်ဓါတ်အား - ၁၄၀၀)  ၊ ဖိဇော (တပ်ဆင်ဓါတ်အား - ၁၅၀၀)  ၊ ပါရှီ (တပ်ဆင်ဓါတ်အား - ၁၆၀၀) ၊ ချီဗွေ (တပ်ဆင်ဓါတ်အား - ၃၄၀၀) စုစုပေါင်းတပ်ဆင်ဓါတ်အားနဲ့ ၁၇၁၆၀ ဆည်ဧရိယာပေါင်း ၁၄၄၄၅၀ ဧကတည်ဆောက်ကြပါလျှင် နောက်ဆက်တွဲဖြစ်ပေါ်လာမည့်အကျိုးဆက်များမှာ ကျမတို့မြန်မာနိုင်ငံနဲ့ မြန်မာတိုင်းရင်းသားလူမျိုးစုအားလုံးအတွက် ဘာတစ်ခုမှအကျိုးအမြတ်ရနိုင်စရာမရှိ။
ထို့အပြင် အထက်ဖော်ပြပါဆည်များစွာမှ ထုတ်လုပ်ရရှိလာသော လျှပ်စစ်ဓါတ်အား ၉၉ ရာခိုင်နှုန်းကို တရုတ်ပြည်မှ တရုတ်လူမျိုးတို့အတွက်တင်ပို့မှာဖြစ်ပြီး ဒေသတွင်းမြန်မာလူမျိုးတို့အတွက်ကိုမူ ၁ရာခိုင်နှုန်းသာသုံးစွဲခွင့်ပြုမှာဖြစ်သည် ။
ထိုစီမံကိန်းကြီးသည် မိမိနိုင်ငံ ၊ မိမိတို့လူမျိုးအတွက် တစ်စုံတစ်ရာအကျိုးအမြတ်မရှိပဲ အစတေးခံရမည့် အမိဧရာဝတီ၏ အနာဂတ်မှာ အင်မတန်မှစိုးရိမ်ကြောင့်ကြဖွယ်ရာကောင်းလှပေသည်။

အထက်ပါဆည်များမှရရှိလာသော အကျိုးအမြတ်၏ ၇၀ ရာခိုင်နှုန်းအား တရုတ်လူမျိုးတို့က အကျိုးခံစားပြီး မြန်မာအစိုးရက ၂၀ ရာခိုင်နှုန်း ပွဲစားခ ၁၀ရာခိုင်နှုန်း ခွဲဝေယူကြမည့်အရေးအတွက် ကျမတို့ ကျမတစ်မျိုးသားလုံး၏ အမွန်မြတ်ဆုံးသော အမျိုးသားအမွေအနှစ်ကို အဆုံးရှုံးခံကြရမည်မှာလဲ ဟကန်မလွဲပင်ဖြစ်သည်။
ကြီးမားသောဆည်ကြီးများ၏ ရေထုအလေးချိန်ကြောင့် ပြင်းထန်သောငလျင်ကြီးများ ဖြစ်ပေါ်စေနိုင်သည်ဟု ပညာရှင်များကလည်း ယူဆ သုံးသပ်ကြသည်။
ဥပမာအားဖြင့်ဆိုရလျှင် တရုတ်တို့၏ပယောဂကြောင့် သေဆုံးခဲ့သော ထင်ရှားသည့် တရုတ်ပြည်မှ မြစ်ဝါမြစ်ကြီး ( Yellow River ) ၏သမိုင်းကြောင်းကိုလဲ ပြန်လည်သုံးသပ်ကြည့်သင့်ပါသည်။
မြစ်ဝါမြစ်ကြီးသည် တရုတ်တို့၏ သဘာဝပတ်ဝန်းကျင်ထိမ်းသိမ်းရေး ဂရုမစိုက်မှုကို အထင်အရှားပြသလျှက်ရှိသော ဥပမာရပ်တစ်လဲဖြစ်ပြန်သည်။ တခဏတာအကျိုးအမြတ်ရရှိမှုကိုသာကြည့်တတ်သည့် တရုတ်တို့၏ ယန်စီရေကာတာစီမံကိန်းကြောင့် နောက်ဆုံးပိုင်းတွင် ဒုက္ခများစွာကြုံတွေ့ကာ အမေရိကန်ဒေါ်လာ ၂.၃ ဘီလီယံကျော်ဆုံးရှုံးထိခိုင်ခံခဲ့ရသည့် ဖြစ်ရပ်မှာ သတိထားသင့်သော အဓိက အချက်တစ်ချက်လဲဖြစ်သည်။
ထို့အပြင် တရုတ်လူမျိုးပေါင်း ၄သန်းကျော် ၊ ကျွဲ နွား ၂သန်းကျော် နှင့် လယ်မြေဧက ၉ သန်းကျော် ပါ ပျက်စီးဆုံးရှုံးခဲ့ကြဘူးသည်။ 
ယံစီမြစ်ရေခမ်းမှုကြောင့် အနီးပတ်ဝန်းကျင်မှ မြစ်ဆွယ်ပေါင်း ၃၀၀ ကျော် ၊ ရေကန်ကြီးပေါင်း ၂၆၆ ကန် ခမ်းခြောက်သွားခဲ့ရသည့် မှတ်တမ်းမှာ ကမ္ဘာ့ပထ၀ီဝင်သမိုင်းစာမျက်နှာတွင် အထင်အရှား ရှိခဲ့ပါသည်။
ထို့ကြောင့် သိပ္ပံပညာရှင်များက ၂၀၀၈ ခုနှစ်က စီချွမ်းငလျင်သည် ဇီပင်ပူရေကာတာကြောင့် ဖြစ်ခဲ့ရသည်ဟု အတည်ပြုဖော်ပြခဲ့ကြသည်။

တရုတ်လူမျိုးတို့၏ ရေကာတာစီမံကိန်းများကြောင့် မြစ်ဝါနှင့် ယံစီမြစ် တို့သာမကပဲ Pearl River ၊ Huai River ၊ Songhua River ၊ Hai River နှင့် Liao River တို့ပါ ကြီးမားစွာ ပျက်စီးဆုံးရှုံးခဲ့ကြပြီးဖြစ်ပါသည်။

တရုတ်တို့၏ လုပ်ရပ်နှင့် သမိုင်းကြောင်းကို လေ့လာသုံးသပ်ကြရင်း မိမိတို့နိုင်ငံတော်ကြီးအတွက် ကာကွယ်လိုစိတ် ၊ အမိနိုင်ငံတော်ကြီး၏ အသက်သွေးကြောဖြစ်သော မြစ်မင်းဧရာဝတီကြီး ထာဝရရှင်သန်စေရေးအတွက် မြစ်ဆုံစီးမံကိန်းကြီး ရပ်တန့်ဖို့အရေးကို
မြန်မာနိုင်ရင်းသားပြည်သူလူထု တစ်ရပ်လုံးက ပြင်းထန်စွာတားမြစ်ကာကွယ်သင့်လှပါသည်။

သို့ပါ၍ကျမတို့ မြန်မာတိုင်းရင်းသား လူမျိုးပေါင်းများစွာရောက်ရှိနေကြပြီဖြစ်သော စင်္ကာပူကျွန်းနိုင်ငံတွင်လည်း ဧရာဝတီကိုထာဝရရှင်သန်စေလိုသူများအဖွဲ့က ဦးစီးဦးဆောင်ပြု၍ ဟောပြောပွဲကြီးကို ယခုလာမည့် ၂၀၁၁ခုနှစ် ၊ အောက်တိုဘာလ (၂၃) ရက်နေ့တွင် စင်္ကာပူနိုင်ငံ ၊ Kreta Ayer Therater မှာ ကျင်းပပြုလုပ်မည်ဖြစ်ပါသည်။
ထိုဟောပြောပွဲကြီးသည် ကျမတို့အဝေးရောက် မြန်မာလူမှုအသိုင်းအ၀ိုင်း၏ ကနဦးခြေလှမ်းအစဖြစ်ပြီး ထိုအဖွဲ့အစည်းအနေဖြင့် ယခုကဲ့သို့သော ဟောပြောလှုပ်ရှားမှုများကို ဧရာဝတီမြစ်ကမ်းတစ်လျှောက်ရှိ မြို့ကြီးမြို့ငယ်များတွင်လည်း ဆက်လက် ကျင်းပပြုလုပ်သွားကြမည်ဖြစ်ပါသည်။

ဧရာဝတီကိုထာဝရရှင်သန်စေရေး ( စင်္ကာပူနိုင်ငံ ) ဟောပြောပွဲကြီးတွင် အမည်နာမထင်ရှားသော စာရေးဆရာများ နှင့် ကျွမ်းကျင်သူ ပညာရှင်များက မြန်မာပြည်မှ လာရောက်ဟောပြောကြမည်ဖြစ်ပါသည်။
အမျိုးမျိုးသော နယ်ပယ်အသီးသီးမှ အောင်မြင်ထင်ရှားသော အနုပညာရှင်များ၏ ဗီဒီယိုအမေးအဖြေများနှင့်အတူ အမဧရာဝတီအား ကာကွယ်လိုမှု ခံစားချက်များအား ဤဟောပြောပွဲတွင် ပါဝင်ထည့်သွင်းသွားမည်ဖြစ်ပါသည်။
အားလုံးဝိုင်းဝန်းကြိုးပမ်းလျှက်ရှိကြသော ဟောပြောမှုများသည် ယခုလုပ်ဆောင်လျှက်ရှိသော မြစ်ဆုံဆည်စီမံကိန်းကြောင့် ဖြစ်ပေါ်လာမည့်သဘာဝ ပတ်ဝန်းကျင် ပြောင်းလဲပျက်စီးသွားမည့်ဆိုးကျိုးများ ၊ နောက်ဆက်တွဲအကျိုးဆက်များကို အချက်အလက်ကျစွာဖြင့် လေ့လာသုံးသပ်ချက်အုတ်မြစ်ပေါ်တွင်အခြေခံကာ သက်ဆိုင်ရာ ပညာရှင်များကဟောပြောဆွေးနွေးကြမည်ဖြစ်ပါသည်။
 သို့ပါ၍ ဧရာဝတီကို ချစ်ကြသော ၊ ဧရာဝတီကိုရှင်သန်စေလိုသော မြန်မာတိုင်းရင်းသား အားလုံးမပျက်မကွက်တတ်ရောက်နိုင်ကြရန် လေးစားစွာဖြင့် အသိပေးနှိုးဆော်လိုက်ပါသည်။

လေးစားစွာဖြင့်
နှင်းဟေမာ

Monday, April 25, 2011

“ကျမ သီဆိုတဲ့ မန္တလေးသူ ....”

မန္တလေးသူ ဆိုတဲ့ ဒီတေးသီချင်းလေးကို မန္တလေးမြို့နှစ် (၁၅၀) ပြည့်အထိမ်းအမှတ် အကြိုကာလကမှာ အကယ်ဒမီ ဦးစိန်မွတ္တား နဲ့ လူရွှင်တော်စာရေးဆရာ ဦးချစ်စရာ ကြီးတို့က ရေးစပ်သီးကုံးခဲ့ကြပါတယ် ....။ ဒီသီချင်းရဲ့ အဓိပ္ပါယ်လေနဲ့ ငြိမ့်ညောင်းတဲ့ တီးလုံးလေးကို အရမ်းနှစ်သက်မိတာကြောင့် ကျမကိုယ်တိုင် ဆိုကမယ့် မန္ထလေးမြို့အငြိမ့်တစ်ခုအတွက် ရွေးခြယ်ဖြစ်ခဲ့ပါတယ် ....။
ဆိုင်းကိုတော့  ဦးကျောက်စိမ်း (မြန်မာပြည် -ကျောက်စိမ်း) ကလက်စွမ်းပြ တီးခတ်ပေးခဲ့တာ ဖြစ်ပါတယ် ....။
အသံဖိုင်လေးကို အမှတ်တရ ရချင်ခဲ့တဲ့ ကျမအတွက် ကီးဘုတ် ကိုစိုးမိုး (မီစူးတေးသံသွင်း )က မအားလပ်တဲ့ကြားကနေ ကြိုးစားပမ်းစား အသံဖမ်းထားပေးလို့ ရှားရှားပါးပါး ရလိုက်တဲ့အသံဖိုင်လေးကို Youtube ပေါ်မှာတင်ဖြစ်ရင်း ကျမရဲ့ ကိုယ်ပိုင် Blogပေါ်မှာလည်း တေးသီချင်း လက်ဆောင်အဖြစ် အမှတ်တရ ပြန်လည်မျှဝေလိုက်ပါတယ် ........။




မြန်မာ့အနုပညာကို ချစ်မြတ်နိုးစွာဖြင့် တန်ဖိုထား နားဆင်ခံစားပေးကြသူများ အားလုံးကို ကျေးဇူးတင်ပါတယ်...။

အားလုံးကို ချစ်ခင်လေးစားလျှက် ~
နှင်း

Wednesday, April 13, 2011

“ရာဇ၀င်ထဲကပိတောက်ချစ်သူ ....


“ရွှေမန်းသူတို့အလှသင်္ကြန်..... ရိုးရိုးလေးနဲ့မြန်မာဆန်ဆန် .....သိဂီရွှေလျှံ ပိတောက်ဝါနဲ့လဲ လိုက်ဖက်ပြန် ... ဘိုးသိကြားဦးမာဃနဲ့ သမီးလေးများ ရေကစားနေဟန် ....... ထင်ယောင်ဝိုးတ၀ါး ... ရိုးသား.......လို့ စိတ်ဝယ်ထင်မိပြန် ရွှေ........မန်းသင်္ကြန် .........မန္တလေးသူတို့ရေကစားတဲ့ဟန် .....

မြူးကြွသွက်လက်နေသော သင်္ကြန်ဒိုးသံနဲ့အတူ သီချင်းသီဆိုသူတစ်ယောက်ရဲ့အသံနဲ့ဟန်ကလဲ အရမ်းလိုက်ဖက်လွန်းလှသည် ။
သီချင်းနံမည်လေးကိုက ရွှေမန်းသင်္ကြန် တဲ့ ................
မြန်မာ လူငယ်တစ်ဦးဖြစ်ပေမယ့် မြန်မာသင်္ကြန်နဲ့ အထိအတွေ့နည်းလှသည့် ကျမက သင်္ကြန်သီချင်းတွေဆိုရင် ကျမတို့ပုပ္ပါး ၊ ကျောက်ပန်းတောင်း နယ်တွေမှာ သိပ်ကိုရေပန်းစားသည့်

“ရေရေတွေ ရွှဲကုန်ပြီ .... ရေရေတွေရွှဲကုန်ပြီ ... ရေရေတွေ ရွှဲကုန်ပြီ ... ဟောတော့ ...ချမ်းလိုက်တာ အသည်းကိုတုန်ရောရှင် ဆိုတဲ့ သီချင်းလောက်ကိုပဲ သိခဲ့သူဖြစ်သလို ...
တောနယ်မှာကြီးပြင်းပြီး ရွာက တရော် ကင်ပွန်းသီးနဲ့ ခေါင်းလျှော် ရေချိုးဖို့ ၊ မုန့်လုံးရေပေါ်စားဖို့ ဖိတ်တဲ့မဏ္ဍပ်လောက်ကိုသာ ကြားဘူး ၊ မြင်ဘူးခဲ့တဲ့ကျမအတွက် .... အခုလိုယိမ်းအက အလှတွေနဲ့ မြို့ပြရဲ့ ရေနန်းသီတာ သင်္ကြန်မဏ္ဍပ်ကြီးရဲ့ က အိပ်မက်တစ်ခုထဲမှာရောက်နေသလိုခံစားနေရသည် ....။

အံ့သြခြင်း ၊ ပျော်ရွှင်ခြင်း ၊ ကြည်နူးခြင်း ဆိုတဲ့ စိတ်ခံစားမှုတွေရဲ့နောက်မှာ စင်မြင့်ထက်က ရွှေမန်းသင်္ကြန်တေးသံသာတစ်ပုဒ်ကို ဟန်ပါပါသီဆိုနေတဲ့ သီချင်းရှင်ကို ငေးမောနေရင်း ၊ ကျမ မက တတ်တဲ့ သင်္ကြန်ယိမ်းသမတို့ရဲ့ မြူးကြွတဲ့ အကတွေကိုငေးမောနေမိရင်းတစ်ခဏမှာ ....

“ဖြိုး နဲ့ သင်း ... ဘယ်တုန်းကရောက်နေတာလဲ ငါက နင်တို့လာမယ်လို့တောင် မထင်ဘူး ” လို့ဆိုရင်း အနားကို ၀ုန်းကနဲ ရောက်လာကြတဲ့ မေနွယ် တို့ နီလာ တို့ကိုကြည့်ပြီး အနည်းငယ် လန့်ဖြန့်သွားမိသည်...။

မေနွယ်တို့ အဖွဲ့ဆိုတာက ကျမတို့ကျောင်းမှာ အရမ်းပေါ်ပြူလာဖြစ်တဲ့ ခပ်ကဲကဲ အုပ်စုတွေဖြစ်သည် ။
မြို့ခံတွေလဲဖြစ်သလို မိဘကလဲပိုက်ဆံချမ်းသာတဲ့အတွက် ယူနီဖောင်းဝတ်ဆင်ရတဲ့ ကျမတို့အစိုးရနည်းပညာကောလိပ် ဆိုတဲ့ကျောင်းမှာတောင် ယူနီဖောင်းကို ဒီဇိုင်းအမျိုးမျိုးချူပ်ပြီး တစ်နှစ်လုံးမထပ်အောင် ၀တ်နိုင်ကြသူတွေလည်းဖြစ်သည် ....။

ဟော .....အခုလဲပဲ အနက်ရောင် အသားကပ်ဘောင်းဘီကို ... အနက်ရောင်လက်ပြက် ပြောင်ပြောင်လက်လက်ကိုယ်ကျပ်အကျီတွေနှင့် တွဲဝတ်ထားပြီး နေကာမျက်မှန်အမဲကို ဟန်ပါပါတပ်ထားသေးသည့် စတိုင်တွေက လုံးဝအမိုက်စား ...။
အဆိုးဆုံးက နှုတ်ခမ်းပေါ်မှာတင်ထားတဲ့ အရောင်တွေကလဲ မဲပုပ်ပုပ်အရောင်တွေ .... ဖြူဖွေးဥနေတဲ့လက်ချောင်းလေးရဲ့လက်သည်းခွံပေါ်ကအစ အနက်ရောင်ဆေးတွေခြယ်သထားသလို ဆင်ယင်ထားတဲ့ ဖန်စီ နားဆွဲ ၊ လက်ကောက် ၊ ချိန်းကြိူး ၊ ဆွဲကြိုး ၊ ပြူးပြောင်နေတဲ့ လက်စွပ်ကြီးကအစ အားလုံးဟာ အမဲရောင်တွေချည်းပဲ ဆင်မြန်းထားတာ ....ထူးဆန်းနေတဲ့သူတို့အပြင်အဆင်တွေကို တစ်ခုချင်း လိုက်ကြည့်ပြီးတဲ့နောက်မှာတော့ အမဲရောင်မြင်ရင် ခေါင်းမူးတတ်တဲ့ ကျမ ခေါင်းတွေချာချာလည်အောင်  မူးနောက်နောက်ဖြစ်သွားမိသည်....။

“ဟယ် ဘယ်လိုဖြစ်လာရတာလဲ မေနွယ် နဲ့ နီလာရယ် ” လို့ ကျမဘေးက သင်း ကမနေနိုင်စွာနဲ့ထမေးလိုက်တော့

“ခုခေတ်က အီမိုခေတ်လေ သင်းရဲ့ အဲဒါကြောင့် မေတို့က ဒီနှစ်သင်္ကြန်မှာ အီမိုစတိုင်လုပ်ထားတာ ဘယ်လိုလဲ မိဖြိုး ငါလှတယ်မို့လား ဟိ ဟိ
လို့ပြောလိုက်တဲ့ သူမဟန်ကိုက ကလေးတစ်ယောက်လိုလဲ ချစ်စရာကောင်းနေပြန်သေးတာ .....

ကျမကတော့ အားနာပါးနာနဲ့ပဲ ပီးပီးရောဆိုပြီး အင်း လှတယ်လို့ပဲ ပြောလိုက်သည်...။

မေနွယ်က တရုတ်စပ် ကပြားမလိုလို အသားကဖြူစပ်စပ်ဖြစ်နေပြန်တော့ အမဲရောင်ဝတ်စုံနှစ်ခုကြားမှာ ဖြူဖွေးနေတဲ့ဗိုက်သားကလဲ အထင်းသား ....

အတန်းထဲက ကောင်လေးတွေနဲ့တွေ့လို့ကတော့ ပေါက်တတ်ကရ အစအနောက်ခံရမှာသေချာသည် ...။
ဆံပင်ကောက်ကောက်ကွေးကွေး လူကသေးသေးလေးနဲ့ နီလာ့ပုံကတော့ အီမိုစတိုင်ပြင်ဆင်ထားပုံက အမဲရောင်အပြင်အဆင်တွေကြားမှာ လူလေးက ပုပုကွကွ သေးသေးလေးဖြစ်နေတော့ တော်တော်လေး ရယ်ချင်စရာ ကောင်းနေသေးသည် ....။
သူမက အရပ်ကလေးနဲနဲရှည်တော့ ကြည့်ရတာသိပ်တော့မဆိုးလှ ....။
အော် ဒါဟာ သရုပ်ပျက်သင်္ကြန်ဖြစ်လာဖို့ ဖန်တီးနေတဲ့ ၀တ်စားဆင်ယင်မှုတွေပဲဖြစ်မည်လို့ ကျမ တစ်ကိုယ်ထဲတွေးလိုက်မိရင်း  ...အဝေးကိုလွင့်သွားမိတဲ့ အာရုံကိုပြန်လည်စုစည်းကာ ကျမကြိုက်နှစ်သက်မိတဲ့ ရွှေမန်းသင်္ကြန်သီဆိုရာ စင်မြင့်ထက်ကို တစ်ချက်ပြန်ငေးကြည့်နေလိုက်မိသည် ..။

အဲဒီလိုကြည့်လိုက်မိတဲ့ တစ်ခဏတာလေးက အခုနကထက် အဆပေါင်းများစွာ ကျမဘ၀ကြီးတစ်ခုလုံးကို ပါ မူးနောက်တုန်ခါသွားအောင် လှုပ်ကိုင်ပစ်စေခဲ့မယ်လို့ ကျမကြိုသိခဲ့မယ်ဆိုရင် ဟောဒီ့ခမ်းနားလှပတဲ့ သင်္ကြန်မဏ္ဍပ်ကြီးဆီကိုလဲ အဲဒီနေ့က ကျမလာခဲ့မိလိမ့်မည်မဟုတ်သလို .... ရွှေမန်းသင်္ကြန်တေးသီချင်းနဲ့ ယိမ်းအဖွဲ့ကိုလဲ ကျမသေသေချာချာ ငေးမောကြည့်ဖြစ်လိမ့်မည် မဟုတ်ပါ....။

“ရွှေကျူံးတော်ပတ်လည်ကာရံ ..........ရွှေမန်းသူတို့ ထီးမူနန်းဟန် ...သနပ်ခါးပါးကွက်နဲ့ ဒို့အညာသူတို့      သဏ္ဍာန် .... ” ဆိုတဲ့ တေးသီချင်းစားသားနေရာမှာ ကျမကို လက်ညှိုးလေးထိုးပြီး သီဆိုသွားတဲ့သူ့အမူအရာကြောင့် ကျမ မနေတတ်မထိုင်တတ်အောင် ရှက်သွားခဲ့တာလား ... ကျမသူ့ကို မသိစိတ်ရဲ့တစ်နေရာက စွဲလမ်းသွားစေခဲ့တာလား ဆိုတာ အဲဒီအချိန်က ကျမ မဝေခွဲတတ်ခဲ့ပါ ....

အံ့သြစရာ ကောင်းတာတစ်ခုကတော့ စင်ပေါ်ကနေ ကျမမျက်ဝန်းနဲ့ တန်းတန်းမတ်မတ် ဆုံဆည်းအောင်ကြည့်နေတတ်တဲ့ သူ့မျက်လုံးတွေကို  အဲဒီညနေကရင်ဆိုင်ရှောင်လွဲလို့မရနိုင်ခဲ့ခြင်းက ကျမနဲ့သူရဲ့ချစ်ခြင်းမေတ္တာကြိုးတစ်ချောင်းကို အခိုင်မြဲဆုံးဖြစ်အောင် စတင် သွယ်တန်းခဲ့ခြင်းရဲ့အထိမ်းအမှတ်တစ်ခုအဖြစ် သူနဲ့ ကျမရဲ့ ဘ၀တစ်သက်တာမှာ အမှတ်တရ တင်ကျန်ရစ်ပေလိမ့်မည် ....။

“ရွှေသွန်းဖြိုးတို့ကို ရေလောင်းမယ်ဟေ့ .... ဆိုပြီး အနားကိုရုတ်တရတ်ရောက်လာကြတဲ့ ကျောင်းက ဘိုဘို တို့ အုပ်စုတွေကိုမြင်တော့ ကျမ ဘယ်ထွက်ပြေးရမှန်းမသိအောင် လန့်သွားမိသည် ...။

ဒီပွဲတွေကို အရမ်းကြည့်ချင်လွန်းလို့သာ လာကြည့်ရတာ ရေလောင်းခံရမှာကို သေမတတ်ကြောက်တတ်တဲ့ ကျမအကြောင်းကို ကောင်းကောင်းသိသော သင်းက ....

“ဟဲ့ ... ဘိုဘို နင်တို့ရေလောင်းချင်ရင် ဟိုးဘက်မှာ ကဲနေတဲ့ မေနွယ်တို့အုပ်စုကို သွားလောင်းပါလား ... ငါတို့ကအေးအေးဆေးဆေးပွဲကြည့်ချင်လို့လာတာနော် ...နင့်ကိုကြိုပြောထားရဲ့သားနဲ့ ရွှေသွန်းဖြိုးက လဲ သိပ်ပြီးနေကောင်းတာမဟုတ်ဘူး နင်ပဲ ရေမလောင်းစေရဘူးလို့ အာမခံပြီးခေါ်လာပြီးတော့ လို့သင်းက စိတ်ဆိုးစွာ ပြောလိုက်တော့

“မရဘူး လောင်းမှာပဲ .... သင်္ကြန်ရေဆိုတာ သိမ်သိမ်မွေ့မွေ့လောင်းရင် အန္ထရာယ်ကင်းပါတယ်ဟ.....သင်္ကြန်ပီးသွားရင် နင်တို့က လောင်းပါဆိုတောင် ငါက မလောင်းဘူး .... မီးက ခဏခဏ ပျက်လွန်းလို့ ဒီရေက မီးစက်နဲ့နှိုးပြီး တင်ထားရတဲ့ရေနော် .....ဘာမှတ်နေလဲ ဆိုပြီး ပြောပြောဆိုဆိုနဲ့ ဘိုဘိုက သင်း ကို ဘယ်ကနေယူလာမှန်းမသိတဲ့ ငွေဖလားသေးသေးလေးနဲ့ ရေအေးအေးလေးတစ်ခွက်ကို အရင်ဆုံး လောက်လိုက်ပါတယ် ....

အဲဒီအချိန်မှာ... ဘိ်ုဘို့နောက်ကျောဘက်ဆီကနေ
“ညီလေးသူငယ်ချင်းတွေနဲ့ ပျော်နေတာလား.....မေမေလိုက်ရှာနေတယ် သွားလိုက်ဦးနော် လို့ဆိုရင်း ကျမတို့ဘက်ကို လှည့်ကာ 
“ညီမလေးတို့ ဘယ်တုန်းက ဒီမဏ္ဍပ်ကိုရောက်နေတာလဲ သင်္ကြန်ထမင်းစားပြီးကြပီလားလို့ မေးလိုက်တဲ့အတွက် ကျမတို့ လဲ
“ဟုတ်ကဲ့ စားပြီးပြီရှင့်လို့ ပြန်ဖြေလိုက်ကြသည် ....။
ခုနက စင်ပေါ်မှာ ရွှေမန်းသင်္ကြန်သီချင်းဆိုတဲ့ သူပဲ.... ဘယ်လိုလုပ်ပြီး ဘိုဘိုနဲ့ ခင်တာပါလိမ့်လို့တွေးနေဆဲမှာပဲ .... ဘိုဘိုက

“ကိုကြီး ဒါသားတို့ကျောင်းက သူငယ်ချင်းတွေလေ ... သူက သင်းစုလှိုင် တဲ့ မြစ်ကြီးနားက  ... သူက ရွှေသွန်းဖြိုး တဲ့ ... ကျောက်ပန်းတောင်းက တောသူလေ ကိုကြီး ....ဟဲဟဲ ....  ဒါ ငါ့ရဲ့အစ်ကိုကြီးလေ  ...အစ်ကိုကြီးနဲ့ငါက ညီအစ်ကိုနှစ်ယောက်ထဲရှိတာဆိုပေမယ့် အသက်က ၁၀ နှစ်တိတိကွာတယ်... ငါဆိုးချင်တိုင်း ဆိုးလို့ရတယ် အဟဲ လို့ ဘိုလိုက စပ်ဖြီးဖြီးနဲ့ မိတ်ဆက်ပေးတော့

“တွေ့ရတာ ၀မ်းသာတယ် ...ညီမလေးတို့ အေးအေး ဆေးဆေးပွဲကြည့်ဦးနော်ဆိုတဲ့ သူ့ဟန်ပန်က အသက်ထက်ကို လူကြီးဆန်လွန်းသူဟု ကျမမြင်မိသည်..။

“ကိုကြီး သူတို့က ပွဲတော့ ကြည့်ချင်တယ် ရေလောင်းမှာလဲကြောက်တယ်လေ ... အဲဒါကြောင့် ဘိုဘိုက အရင်ဆုံးရေလာလောင်းတာ နောက်တစ်ယောက် ရွှေသွန်းဖြိုးကို လောင်းဖို့ကျန်သေးတယ် သူက အရမ်းစွာလို့ ကြောက်လို့ မလောင်းသေးတာ .... ဟီး ကိုကြီးပဲလောင်းလိုက်တော့လို့ ဘိုဘိုက ဆိုတော့
တည်ငြိမ် နှစ်လိုဖွယ်ရာ ပြုံးလိုက်ရင်း  

“ဟုတ်လား ညီမလေး ... ကျွန်တော့်ကို  မိတ်ဖြစ်ဆွေဖြစ် ရေလောင်းခွင့်ပြုမလား .... လို့သူက ယဉ်ကျေးသိမ်မွေ့စွာမေးလိုက်တော့ ...ကျမလဲ ဘာပြောရမှန်းမသိ ဖြစ်မိရင်း အပြုံးနဲ့သာခေါင်းငြိမ့်ပြဖြစ်လိုက်သည် ....

 ဘိုဘိုကမ်းပေးလိုက်တဲ့ ငွေဖလားထဲကရေလေးအေးအေးလေးနဲ့ ကျမပုခုံးပေါ်မှာ ၀ဲကျနေတဲ့ဆံနွယ်စလေးတွေကို သူ့လက်တစ်ဘက်က အသာမြှောက်တင်ပေးရင်း ညင်ညင်သာသာလေး ကျမပုခုံးပေါ်ကနေ ရေတွေ လောင်းချလိုက်သည်..........

အဲဒီအချိန်မှာ ရေနန်းသီတာမဏ္ဍပ်ဆီကလဲ................

 “သင်္ကြန်တွင်းမို့ ပန်းပိတောက်ဝေလွင် ....မြန်မာ့ယဉ်ကျေးမှု အတာရေသဘင် .... တစ်ဦးပေါ်တစ်ဦးတွင် ရင်းနှီးကာကျွမ်းဝင်...ပုလဲရည်ငွေစင်သွန်းလောင်းကာပင်...အတီးအမှုတ်အကအခုန် ငြိမ့်ညောင်းလို့ယဉ်...ဒီနှစ်သစ်တွင် ကြည်လင်...ရွှင်လန်းချမ်းမြေ့ပါစေချင်..........................”

 ဆိုတဲ့ ကျက်သရေ မင်္ဂလာရှိတဲ့သင်္ကြန်တေးသွားလေး တစ်ပုဒ်က ပျံ့လွင့်လို့လာခဲ့သည် .....
သီချင်းလေးရဲ့ ညွှန်းဖွဲ့သီကုံးထားတဲ့ စကားလုံးအသုံးအနှုန်းလေးတွေက ရှေးယခင်က အတာရေသဘင်ပွဲတွေမှာ သာယာအေးချမ်းမှု ၊ နူးညံ့သိမ်မွေ့မှု ၊ တန်ခူးလရာသီရဲ့ ထင်ရှားတဲ့ ပုံရိပ်လေးတွေကို စွဲမက်စေရန် ဖော်ကျူးထားနိုင်မှုတွေကို ကွက်ကွက်ကွင်းကွင်း မြင်ယောင်လွမ်းဆွတ်စေခဲ့ပြန်သည် .....။

တေးသီချင်းသံလေးကို နောက်ခံထားပြီး ငွေဖလားလေးနဲ့ ရေလောင်းနေတဲ့ သူ့မျက်ဝန်းရဲ့ အကြည့်နက်နက်တွေကို ကျမရင်မဆိုင်ရဲသလို လွှဲဖယ်ထားမိရင်း  .... ကယောင်ကတမ်းနဲ့ ဘိုဘို့လက်ထဲက ဖလားလေးကို ယူပြီးသူ့ကို ပြန်လောင်းလိုက်သည် ....။

“ဖလားဖြူဖြူဖွေးဖွေးလွင်...ရေကစားလို့ပင်...မေအများပြုံးရွှင်...ရွှေရည်လူးထူးတဲ့အတာသဘင်...ရေသီတာသင်းသင်းမွှေးပျံ့လွင်.........မန်းသူတွေတအားပက်ရင်..........အစ်ကိုများအသည်းဘ၀င်...ကြည်နူးပြုံးရွှင်...ရွှေရည်လူးထူးတဲ့အတာသဘင်.............ဆယ်ကမ္ဘာဆုံးတော့မေ့မရထင်... .............


တော်တော်ပဲ တိုက်ဆိုင်လွန်းသည့် သီချင်းစားသားလေတွေ ..... ဒီသီချင်းလေးထဲကလိုပါပဲ .... ညီမလေးနဲ့ အစ်ကိုိ့ကို စတင်ဆုံဆည်းခွင့်ပေးခဲ့တဲ့ အတာသဘင်ပွဲတော်ကြီးကို ဆယ်ကမ္ဘာဆုံးရင်တောင် အစ်ကို မေ့လို့ရမယ်မထင်ပါဘူး လို့ အဲဒီနေ့က တိုးတိတ်ညင်ညာစွာ ပြောလိုက်တဲ့ သူ့စကားသံတွေကို ကျမနှလုံးသားထဲမှာ စွဲမြဲစွာ မှတ်သားထားမိပါသည်...။


“ကဲ ... ညီမလေးတို့ ဒီနားမှာ ခဏပွဲကြည့်နေခဲ့ကြဦးနော် .... Entertainmentအစီအစဉ်တွေအတွက် အစ်ကို စင်ပေါ်ကို ခဏပြန်သွားရဦးမယ် .....ခဏနေရင် တစ်ခေါက်ပြန်လာခဲ့မယ်လို့ဆိုရင်း သူကျမတို့အနားက ထွက်သွားတော့ ကျမတို့လဲ အေးအေးဆေးဆေး ပွဲဆက်ကြည့်နေလိုက်ကြသည် ....။

အဲဒီအချိန်ကတည်းက ပွဲထဲမှာစိတ်မ၀င်စားတော့သလို သူ့ဆီကို ကပ်ငြိစွာပါပါသွားတတ်တဲ့ ကိုယ့်စိတ်ကို မနည်းပြန်စုစည်းမိရင်း သူဒီဘက်ကိုများ ပြန်လာမလာလို့မျှော်မိလိုက်တာကလဲ အကြိမ်ကြိမ် .....

ထို့အတူ သူလဲပဲ ကျမလို ဖျော်ဖြေရေးစင်မြင့်ထက်ကနေ အလုပ်တွေရှုပ်နေလိုက် ကျမဘက်ကို စိတ်မချသလို တစ်ချက်လှည့်ကြည့်လိုက်နဲ့ နောက်ဆံတင်းနေခဲ့သေးတာ ..... ကျမဘယ်တော့မှ မမေ့....။

“ဖြိုး ... ဘိုဘို့ အကိုကြီးကတော့ နင့်ကို သဘောကျနေတာ အရမ်းသိသာတယ်နော် ..... လို့ မနေနိုင်စွာ တိုးတိုးလေးကပ်ပြောလာတဲ့ သင်းကြောင့် ကျမကလဲ ကျေနပ်ပျော်ရွှင်သလို .... သင်း ကိုပြန်ပြီးတော့ရင်ဖွင့်မိခဲ့တယ်...

“သင်း ... ကျမလေ ... သူ့မျက်နှာကို မြင်မြင်ချင်း သိပ်ကိုရင်းနှီးနေခဲ့တယ် ... သူလဲကျမလိုပဲ ခံစားရမယ်ဆိုတာ ကျမ အလိုလိုသိနေခဲ့တယ် ....အဲဒါကို နင်ယုံလား လို့ဆိုတော့

“အေးဟ ..... သင်္ကြန်ဖူးစာဆိုတာ ဒါမျိုးကိုပြောတာဖြစ်မယ်ဖြိုးရဲ့ ....  နောက်နှစ်သင်္ကြန်ကျရင် ဒီသီချင်းသံတွေကြားတိုင်း ရှင်သူ့ကို လွမ်းနေတော့မယ်ဖြိုးရဲ့လို့ ကျမကို ပြောလိုက်တဲ့ သင်းစကားမှ မဆုံးသေး ......

သူ ကျမတို့အနားကို အပြေးတစ်ပိုင်းရောက်လာပြီး မုန့်လုံးရေပေါ်တွေလာကျွေးလိုက် ၊ ကျမနားမှာထိုင်ကာ အတူတူပွဲကြည့်လိုက် ကိစ္စရှိရင် စင်ပေါ်ကို ပြေးသွားလိုက်နဲ့ အလုပ်တွေရှုပ်နေခဲ့ပါသည်...။
ပွဲအစီအစဉ်တွေပြီးဆုံးကာနီး ကျမတို့ပြန်တော့မယ်လို့ သူ့ကိုနှုတ်ဆက်တော့  ပိတောက်ဝါလေးတစ်ခက်ကို ကျမလက်ထဲမှာ အသာလေးထည့်ပေးရင်း  .....ကျမအနားကို တိုးတိုးလေး သူပြောလိုက်တဲ့ စကားတစ်ခွန်းက ...

“ညီမလေး.... ဒီနေ့က သင်္ကြန်ပွဲတော်ရဲ့နောက်ဆုံးနေ့လေ ..... မနက်ဖြန်ဆိုရင် အစ်ကို့ အလုပ်ရှိတဲ့ ကျွန်းနိုင်ငံလေးတစ်ခုဆီကို အစ်ကို  ပြန်ရတော့မယ် .... နောက်နှစ်မှာ ဒို့များကံမကုန်သေးရင် ပြန်ဆုံကြဦးစို့နော်  တဲ့ ........

အော် ... ဘိုဘိုပြောဘူးတယ် သူ့အစ်ကိုက နိုင်ငံခြားမှာ အင်ဂျင်နီယာတစ်ယောက်ဆိုတာကို ... ဟုတ်ပေသားပဲ ....ကျမသူ့ကို ဘယ်လိုနှုတ်ဆက်ရင်ကောင်းမလဲဆိုတဲ့အတွေးနဲ့အတူ ရင်ထဲမှာ လှိုက်ကနဲ ၀မ်းနည်းပေမယ့် ဟန်ဆောင် အားယူပြုံးပြပြီး ခေါင်းလေးကိုပဲ အသာအယာငြိမ့်ပြနိုင်ခဲ့ပါသည် ။

လက်ထဲက ပိတောက်ပန်းလေးတစ်ခက်ကို ကယောင်ကတမ်းနဲ့ ခေါင်းမှာပန်ဆင်လိုက်ရင်း .... နောက်နှစ်မှာလဲ ကျမ သူငယ်ချင်းတွေအားလုံး နဲ့အတူ.....ပိတောက်ပန်းလေးတစ်ခက်ကိုပန်ပြီး  အစ်ကိုနဲ့ဆုံတွေ့ရမယ့် နေ့ရက်ကို စောင့်မျှော်နေပါ့မယ်.... လို့ကျမကဆိုဖြစ်တော့ .....

တောက်ပ၀င်းလက်သွားတဲ့ မျက်ဝန်းတစ်စုံနဲ့အတူ .....
“အစ်ကို ကတိပေးပါတယ် .... ဟောဒီ မန္ထလေးမြို့ရဲ့ ရွှေမန်းသင်္ကြန်မဏ္ဍပ်ကြီးဆီကို အစ်ကို မရောက် ရောက်အောင်လာပြီး ....ဟောဒီ့က ပိတောက်ပန်းချစ်သူလေးကို တွေ့အောင်ရှာပါ့မယ် ...တဲ့

ပိတောက်ပန်းချစ်သူဆိုတဲ့ စကားလေးတစ်ခွန်းနဲ့ ကျမကို  ရုတ်တရက် ဖွင့်ပြောသွားသူအတွက်ကြောင့် ရှက်သွေးဖြာသွားမရင်း သူ့အနားက ပြေးထွက်လာခဲ့မိတယ် ....။

 ၂၀၁၀ဆိုတဲ့ ပြီးခဲ့တဲ့ သင်္ကြန်ရက်တွေက ကျမနဲ့ သူ့ကိုဆုံဆည်းခွင့်ပေးခဲ့တဲ့ သက္ကရာဇ်တစ်ခုဖြစ်သလို ရွှေမန်းသင်္ကြန်ဆိုတဲ့ တေးသီချင်းသံလေးကလဲ ကျမဘ၀မှာ ဘယ်တော့မှ မေ့လို့မရတဲ့တေးတစ်ပုဒ်ဖြစ်ခဲ့ပါတယ် ......။
နေ့ရက်တွေကနေ လ ၊ လတွေကနေ နှစ်တစ်နှစ်ဆိုပြီး ပြောင်းလဲကုန်ဆုံးသွားဦးမယ့် နှစ်ဟောင်းတစ်ခုရဲ့ နေ့ရက်လေးတွေကို လက်ရေချိုးရင်း ကျမစွဲလန်းမြတ်နိုးမိသူတစ်ယောက်ကို ဘယ်လောက်ထိ တမ်းတလွမ်းဆွတ်နေခဲ့သလဲဆိုတာကို .... ရွှေမန်းသင်္ကြန်ဆိုတဲ့တေးသီချင်းလေးနဲ့ သူအမှတ်တရပေးခဲ့တဲ့ ပိတောက်ပန်းခက်လေးပဲ ကောင်းကောင်းသိခဲ့ပါလိမ့်မည်.........။

                  *********************************************

( ၂၀၁၁ ရဲ့သင်္ကြန်အကြိုနေ့မှာဖြစ်သည်....)

“ဟယ် ... မေနွယ် နင့်အဖွားနဲ့ တရားစခန်းပါသွားတယ်ဆိုလို့ ငါတို့တောင် နင့်ကိုချီးကျူးနေတာ ဘယ်လိုဖြစ်ပြီး ဒီရောက်လာတာလဲ ....”

ရုတ်တရက် ဘိုဘို က အာဗြဲကြီးနဲ့ အောဟစ်ပြီးမေးလိုက်တော့ အကျီကြိုးတစ်ချောင်းနဲ့ ဂျင်းဘောင်းဘီအပြာရောင်ကို ၀တ်ပြီးကဆုန်ပေါက်ပြေးလာတဲ့ မေနွယ်တစ်ယောက် ဟောဟဲ ဟောဟဲ ဆိုက်ပြီး .......

“နေစမ်းပါဦး ဘိုဘိုရယ် .... ငါ့မှာ တရားစခန်းကနေ အုတ်တံတိုင်းကျော်ပြီး ခိုးထွက်လာခဲ့တာ .... နီလာရော နီလာတစ်ယောက်တွေ့မိသေးလား ဖြိုး လို့ ကျမကိုမေးတော့

“အင်း ကျမတွေ့လိုက်တယ် ခုနက အထုတ်တစ်ထုတ်ကိုလဲ ကိုင်ထားပြီး တစ်ယောက်ယောက်ကို လိုက်ရှာနေသလိုပဲ လို့ဆိုတော့

“ဟယ် ...ဟုတ်လား အဲဒီ ဂျပုမက အခုလိုကျတော့လဲ ချစ်ဖို့ကောင်းပြန်ရော ... နေဦး ပြီးတော့မှ ငါနင်တို့ဆီပြန်လာခဲ့မယ် ..... အခုဒီအ၀တ်တွေက ငါတရားစခန်းဝင်တဲ့နေ့က ၀တ်သွားတဲ့ဟာတွေ အဖွားမသိအောင် အိမ်ကို ထည့်မပေးလိုက်ပဲ တမင်သိမ်းထားတာလေ ဟီး  ..... ဒီနေ့ဝတ်ဖို့က ကြိုတင်စီစဉ်ပြီးသား နီလာဆီမှာ ငါပေးထားတယ် အဲဒီအမျိုးသမီးကို ငါရှာလိုက်ဦးမယ် သွားပြီဟေ့ ”
ဆိုပြီး ပြာတီးပြာယာနဲ့ ထွက်သွားတော့သည် ။

“တော်တော်ကို ဗယုတ်ကျတဲ့ဟာတွေ” ဟုသင်းက ပြောလိုက်ရင်း ကျမဘက်ကို လှည့်ကာ

“ဖြိုး ... နင်ဘိုဘို့ကို မမေးကြည့်ဘူးလား သူ့အစ်ကို ပြန်လာလားဆိုတာ ”

ကျမက ခေါင်းကို အသာအယာယမ်းပြလိုက်တော့ ... အရာရာကို စိတ်မြန်လက်မြန်ရှိတဲ့ သင်းက

“ ငါ ဘိုဘို့ကို ခေါ်ပြီးမေးလိုက်မယ်ဟာနေဦး .....ဆိုပြီး ပြောပြောဆိုဆို ဘိုဘို့ကို မြင်လိုက်တာနဲ့

“ဟဲ့ ဘိုဘို လာဦး ငါနင့်ကို မေးဦးမယ်လို့ သင်းက အော်ခေါ်လိုက်သည်...။

“အေး လာခဲ့မယ် ခဏလေး ခဏလေး ငါအရေးကြီးလို့ ဟိုဘက်သွားလိုက်ဦးမယ် ပြန်လာခဲ့မယ်လို့ အော်သွားပြီး ဘိုဘိုကလဲ တော်တော်နဲ့ ပြန်မလာတော့ ......

“သူမလာဖြစ်တာနေမှာပေါ့ သင်းရယ် ..... ထားလိုက်ပါဟာ မေးမနေပါနဲ့တော့လို့ ဆိုရင်း ကျမသက်ပျင်းတစ်ချက်ကို လေးလံစွာချဖြစ်ပါသည် ...။

ဖျော်ဖြေရေးအစီအစဉ်များကျင်းပရာ ရွှေမန်းသင်္ကြန်စာတမ်းကြီးနဲ့ မဏ္ဍပ်ကြီးကလဲ ယခင်နှစ်တွေကထက် ပိုပြီး ခမ်းနားလှပနေသည် ....။

တစ်ပုဒ်ပြီးတစ်ပုဒ် သီဆိုသွားကြတဲ့ အတာတေးတို့သညလည်း နန်းဆန်သည့် မန်းသင်္ကြန်ကို ပိုမို၍ ခွန်းချို
ဝေဆာစေခဲ့ပြန်ပါသည်။

မန္တလေး အတာရေနန်းသဘင်သည် အစဉ်အလာကြီးသည့် မြန်မာ့သင်္ကြန်ကို ညွှန်းဆို ကိုယ်စားပြုခဲ့သည်။ သင်္ကြန်တေးသီချင်းအချို့၏ တီးခတ်မှုအနုပညာ ၊ ရေးစပ်မှုပညာ နှင့် ညှို့ငင်ဆွဲဆောင်နိုင်စွမ်းရှိသည့် သင်္ကြန်တေးတွေကိုလည်း ကျမအားလုံးနီးပါးလိုလို ရင်းနှီးကျွမ်းဝင်နေခဲ့ပြီဖြစ်သည် ....။

ကျမရင်ဘတ်ထဲမှာ ဟိုး အရင်နှစ်တွေကထက် သင်္ကြန်ကို ပိုလို့ချစ်သည် .... သင်္ကြန်သီချင်းတွေကို ပိုလို့မြတ်နိုးမိသည် .... သင်္ကြန်မှာဆုံဆည်းခဲ့ဘူးသူ တစ်ဦးကို ပြောမပြတတ်အောင်ပဲ တမ်းတ လွမ်းဆွတ်လှပါသည် ....။

တမ်းတလွမ်းဆွတ်ခြင်းနဲ့အပြိုင် စတိတ်စင်ထက်မှ ကြောငြာသံကို ကြားလိုက်ရပြန်သည် ....။
နောက်ထပ်ဖျော်ဖြေတင်ဆက်ရန် အလှည့်ကျတဲ့အဖွဲ့တစ်ဖွဲ့ကို စင်မြင့်ပေါ်မှာ နေရာယူဖို့အတွက် အနောင်ဇာဖြစ်သူက ဖိတ်ခေါ်ကြော်ငြာနေပြီဖြစ်သည် .....။

မန္တလေးမြို့ ကျက်သရေဆောင် မြို့မတေးဂီတအဖွဲ့က တီးခတ်လိုက်တဲ့ သာယာငြိမ့်ညောင်းလှသည့် သင်္ကြန်တေးသွားလေးနဲ့ အတူ....
ဇာတ်ခုံတစ်ဘက်တစ်ချက်ဆီကနေ ယခုနှစ်၂၀၁၁ခုနှစ်အတွက် သင်္ကြန်အရောင်ဟုသတ်မှတ်ထားသော ခရမ်းရောင်နဲ့ ရွှေဝါရောင်ရောစပ်ထားသည့် အတာရေသဘင်ဝတ်စုံဆန်းဆန်းလေးတွေကို ၀တ်ဆင်ထားသော ယိမ်းအဖွဲ့လေးကပါ အတာသင်္ကြန် တေးသီချင်းလေးနဲ့အပြိုင် ယဉ်ကျေးသိမ်မွေ့စွာ ထွက်လာကြပါသည် ....။

ပြီးတော့ အဲဒီသီချင်းကို သီဆိုမည့်သူပါထွက်လာတော့ ကျမ ရုတ်တရက် အံ့သြမှင်သက်စွာဖြင့် .......သူ ဟုတ်မှ ဟုတ်ရဲ့လားလို့ သင်းကိုလက်တို့ပြီး မေးလိုက်မိသည်...။

ကြိုတင်သိနေပုံရတဲ့ မရွှေသင်းကတော့  ပြုံးဖြီးဖြီးကြီးလုပ်ပြီး ............

“နင်မျက်စေ့မှားတာနေမှာပါ ဖြိုးရယ်တဲ့ .......ကျမက အံ့သြ၀မ်းသာလွန်းစွာနဲ့ပဲ

 “ အောင်မယ် ... ရှင်က သိရက်နဲ့ ကျမကို တမင်လျှို့ဝှက်ထားတာပေါ့လေ ဟုတ်လားလို့ ပြောရင်း သင်းရဲ့လက်ကို နာနာလေး တစ်ချက်ဆွဲဆိတ်လိုက်ပစ်လိုက်သည်....။

“အား .....နာတယ်.... ငါမဟုတ်ဘူး အဲဒါ ဇာတ်ခုံပေါ်က သီချင်းဆိုနေတဲ့ နင့်လူကြီးက အဲလို တမင်ပြောခိုင်းလို့ ပါဗျို့ .... လို့အော်လိုက်တော့ .... ကျမ ရယ်မောစွာနဲ့ သူရှိရာစင်မြင့်ထက်ကို လှမ်းကြည့်လိုက်ပါသည် ......။

ကျမကို လက်ညှိုးလေးထိုးပြီး သူသီဆိုနေခဲ့တဲ့ တေးသီချင်းစာသားလေးက ........

“ပိတောက်ပန်းချစ်သူလေးကို တမ်းတမ်းတတ ရင်ထဲလွမ်းကာ .... ပိတောက်တစ်ခက်ပန်ကာ သူ့မျက်နှာထားက ပြုံးလို့ ရွှင်စွာ .........တစ်ခုသော သင်္ကြန်ပွဲမှာ နွဲပျော်လို့ဖြင့် ဆုံတွေ့မမေ့စရာ.........ယနေ့ထက်တိုင်သာ ကိုယ့်ရင်ထဲ စွဲလန်းနေတာ........ဘယ်ဆီပိတောက်လမ်း ဘယ်ရေနန်းမှာ ရောက်လို့နေတာ.......သင်္ကြန်ပွဲတိုင်းမှာ တစ်ကိုယ်ထဲလျှောက်လာ ရင်မောလှစွာငေးမောဖွေရှာ......ပြန်လည်တွေ့လေမလား.....တွေးထင်စိတ်မှာ.......ပိတောက်ဝါပွင့်သော..........အတာ.....”

နွမ်းလျနေတဲ့ ကျမစိတ်တွေအားလုံးက ပိတောက်ပွင့်သောအတာ ဆိုတဲ့ တေးသီချင်းသံလေးရဲ့ နောက်မှာ စီးမျောလိုက်ပါသွားမိရင်း ..... ၂၀၁၁ ရွှေမန်းသင်္ကြန်မဏ္ဍပ်ကြီးရဲ့ စင်မြင့်ထက်က ကျမအချစ်ရဆုံးသူ့မျက်နှာကို ပျော်ရွှင်စွာငေးကြည့်နေဖြစ်ခဲ့တာ ....... ဟောဒီ့သင်္ကြန်ဟာ ကျမအတွက်တော့ အလှပဆုံးသင်္ကြန်ပါပဲ ..........။
                   **************************************************
၂၀၁၁မှာကျရောက်တဲ့ နှစ်သစ်အတာသင်္ကြန်ပွဲလေးကို ပျော်ရွှင်အေးချမ်းစွာ ဖြတ်သမ်းနိုင်ကြပါစေ
အားလုံးပဲ မင်္ဂလာရှိတဲ့နှစ်သစ်ဖြစ်ပါစေလို့ ဆုမွန်ကောင်းတောင်းလိုက်ပါတယ် .....။

အားလုံးကိုချစ်ခင်လေးစားလျှက်~
နှင်းဟေမာ

Wednesday, April 6, 2011

နှစ်သစ်ကူးသီတဂူအထူးတရားပွဲ (စင်္ကာပူ)


စင်္ကာပူကျွန်းတွင် မှီတင်းနေထိုင်ကြကုန်သော ဗုဒ္ဓဘာသာ ၊ မြန်မာ သူငယ်ချင်းမိတ်ဆွေ အားလုံးတို့အား ရိုသေလေးစားစွာဖြင့် သတင်းကောင်းပါးအပ်ပါသည်...။
မြန်မာလူမျိုးတို့၏ ထူးခြားမွန်မြတ်သော နှစ်သစ်ကူး သင်္ကြန်အခါသမယတွင် စင်္ကာပူနိုင်ငံ ၊ စင်္ကာပူမြို့၌ ရောက်ရှိနေကြသော မြန်မာလူငယ်များအား ကျေးဇူးတော်ရှင်သီတဂူဆရာတော်ဘုရားကြီးမှ နှစ်သစ်ကူး အထူးတရားဒေသနာတော်များကို ဟောကြား ချီးမြှင့်တော်မူမည်ဖြစ်ပါသည်။
သို့ပါ၍ တရားတော်နာ ကုသိုလ်ကောင်းမှု အတူပြူရင်း မင်္ဂလာနှစ်သစ်ကိုကြိုဆိုနိုင်ကြရန် ရိုသေလေးစားစွာဖြင့် သတင်းကောင်းပါးလိုက်ပါသည် ....။

နေ့ရက် - ၁၇ ဧပြီလ ၂၀၁၁

အချိန်   - ညနေ ၆ နာရီခွဲမှ ၈ နာရီအချိန်ထိ

နေရာ   - Poh Ern Shih Temple , 17 D Chwee Chian Road
             Shuttle Bus Will be Provide ( Harbour Front MRT Exit A )

သီတဂူစမ်းလပမာ ချမ်းမြသာယာရှိကြပါစေ.....
ရိုသေလေးစားစွာဖြင့် ~
နှင်းဟေမာ

Thursday, March 31, 2011

ကမ္ဘာမြေရဲ့ချစ်သူ ....













“ကမ္ဘာမြေပေါ်ကို နင်းမိလိုက်တိုင်း
ကိုယ့်ရဲ့ခြေအစုံအောက်မှာ
ပန်းတို့ရဲ့ နုညံ့မှုတွေခင်းကျင်းထားသလို
ဘ၀ကို ကျေနပ်နှစ်သက်စေခဲ့သူ.....


“စိတ်မှာတောင့်တလိုက်ရုံနဲ့
နှုတ်ကဖွင့်ဟဖို့မလို .....
ကိုယ်လိုချင်တာမှန်သမျှ
အစစအရာရာ အလိုက်သိတတ်လွန်းသူ .....


ကိုယ္ရွင္သန္ရာ ဘ၀ဥယ်ာဥ္ထဲမွာ
ပူပင်သောကတွေဖယ်ရှင်း ပျော်ရွှင်ခြင်းတွေကိုသာ
တစ်မျှော်တစ်ခေါ်ဖူးပွင့်အောင်
ဆောင်ကျဉ်းစိုက်ပျိုးနိုင်ခဲ့သူ ......


ကိုယ်ဘယ်လို ဆိုးဆိုး
အတိုးချပြီးသီးခံ ကိုယ့်ရဲ့အနိုင်ယူတဲ့ဒဏ်တွေကို ခံရင်း
မာန်မာနကင်းစွာလဲကြင်နာတတ်ခဲ့သူ ......


ချစ်သူရေ ..............
ဘယ်သူတွေ ဘာပဲပြောပြော
မေတ္တာတရားကို မေတ္တာတရားချင်းထုဆစ်လို့
သစ္စာတရားကို သစ္စာတရားခြင်း ထွန်းညှိလို့
ချစ်ခြင်းရဲ့ အလင်္ကာမြိ်ု့ကို
အနှစ်တစ်ရာ မယိုင်မလဲအောင်
အခိုင်မြဲဆုံး သစ္စာတရားတွေနဲ့
တစ်သက်လုံးပဲ တည်ဆောက်သွားစို့နော် ....။

       ****************************************************

                                    ချစ်သူနှစ်ဦးရဲ့တစ်နှစ်ပြည့် အမှတ်တရ



အားလုံးကိုချစ်ခင်လေးစားလျှက်~
နှင်းဟေမာ
31 March 2011

Wednesday, March 23, 2011

ကျမနဲ့ ကျမချက်တဲ့ ငါးဆားနယ်ဟင်း

ကျမရဲ့မီးဖိုဆောင်လေးလို့ ခေါင်းစဉ်တစ်ခုတပ်ပြီးကာမှ ကိုယ်တိုင်ချက်တဲ့ဟင်းလေးတွေကို ကိုယ်တိုင်ပဲ စိတ်တိုင်းမကျတာနဲ့ မတင်ဖြစ်ခဲ့ဘူး ။
ဒီတစ်ပတ်တော့ ဈေးထဲကနေ လတ်လတ်ဆတ်ဆတ်ငါးတစ်ကောင်ကိုဝယ်လာဖြစ်ခဲ့တယ်...။
ဟင်းဆိုရင် အပေါ့အရွှတ်တွေ ၊ အရောင်အဆင်းမရှိတဲ့ဖြူဖတ်ဖြူရော်တွေ ၊ အချိုချက်တာတွေကို လုံးဝမစားတတ်တဲ့ ကျမအတွက် ငါးကိုဘယ်လိုချက်ရမလဲလို့ စဉ်းစားရင်း ငါးဆားနယ်(ငဆနယ်) လုပ်ထားပြီးမှ ခရမ်းချဉ်သီးလေးနဲ့ ငဆနယ်ဟင်းဆီပြန်လေးတစ်ခွက်ချက်ဖို့ စိတ်ကူးလိုက်တယ် ....။
ငါးဆနယ်က မလုပ်ဖြစ်တာတော့ကြာပြီ ... ဟိုးအရင်က သူငယ်ချင်းနားမှာ ကြည့်ထားခဲ့တား)

မြန်မာပြည်မှာအစိုးရ၀န်ထမ်း အလုပ်တာဝန်နဲ့ ပြည်နယ်တစ်ခုမှာတာဝန်ကျခဲ့တော့ ကျမနေရတဲ့အဆောင်က မြို့ထဲနဲ့လဲဝေးတယ် ဈေးနဲ့လဲဝေးတော့ ကျမတို့ဝန်ထမ်းတွေအတွက် တစ်ပတ်တစ်ခါဆိုသလို ငါးကားကြီးတစ်စီးရောက်လာပြီး ငါးတွေဝေပေးလေ့ရှိပါတယ် ....။
အဲဒီမှာ  အဆောင်မနေတဲ့ အိမ်ထောင်ရှင် ဆရာမကြီးတွေကတော့ သူတို့ဝေစုကို ကျမတို့အဆောင်က ကလေးတွေ ယူချင်တဲ့သူ ယူဆိုပြီး မီးဖိုခန်းထဲက ဇလုံကြီးတစ်လုံးထဲမှာ ထားပေးခဲ့တတ်တယ် ...။
ကျမနဲ့တစ်ခန်းထဲ အတူတူနေရတဲ့ မြင့်သူဇာလှိုင် ဆိုတဲ့ ဆရာမလေးက ဧရာဝတီတိုင်း ၊ ဟင်္သာတမြို့နယ်ကဆိုတော့ ငါးပိရေသိပ်တာ ၊ ငါးဆားနယ်လုပ်တာတော့ တော်တော်လေးကျွမ်းကျင်တယ် ....။
အဲဒါနဲ့ ကျမတို့နှစ်ယောက်ပေါင်းပြီး ပြည်နယ်ဘုရားပွဲမှာ စဉ့်အိုးကြီးကြီးတစ်လုံးဝယ်လိုက်တယ် ...။

ကျမတို့ချက်မစားနိုင်တဲ့ ငါးတွေရော အဆောင်က သူငယ်ချင်းတွေရဲ့ငါးတွေရော ပေါင်းပြီး ၊ အရွယ်ညီအတုံး အကွင်း အကွင်းလေးတွေအဖြစ် လှလှပပ တုံးလိုက်တယ် ...။
ပြီးတာနဲ့ ဆား ၊ ဟင်းချိုမှုန့် ၊ နနွန်းမှုန့်တို့နဲ့ စိမ့်ဝင်အောင်နယ်ပြီး စဉ့်အို့ခြောက်ခြောက်လေးထဲမှာ လက်သန့်သန့်လေးနဲ့ တစ်ထပ်ချင်းသိပ်လိုက် ဆားတစ်ထပ်ထည့်လိုက်နဲ့ ပြီးတဲ့အခါ ပလပ်စတစ်အကြည် သန့်သန့်လေးနဲ့ လေလုံအောင်စဉ့်အိုးအ၀ကိုဖုံးလိုက်ပြီး သံပန်းကန်ပြားအဟောင်းတစ်ချပ်နဲ့ ဖုံးထားလိုက်တယ် ....။
ကျမတို့လုပ်တဲ့ ငါးဆားနယ်အိုးကြီးက နောက်ဆုံးမှာတော့ လက်မလည်အောင် ရောင်းကောင်းတဲ့ အိုးကြီတစ်လုံးဖြစ်လာခဲ့တယ် ....။
အဆောင်မှာ ဘာဟင်းမှမရှိဘူးဆိုရင် ငါးဆားနယ်ကြော်၊ တာလပေါ့ဟင်းရည်အိုးကြီးတစ်အိုး နဲ့ ငရုတ်သီးထောင်းတစ်ခွက်ကတော့ အမြဲတမ်းလိုလိုရှိနေတတ်တယ် ...။

ကျမနဲ့ မြင့်သူဇာလှိုင်က ငါးဆားနယ်သိပ်တဲ့တာဝန်ကိုယူပြီး ၊ မိဥမ္မာထော ဆိုတဲ့ အစ်မကတော့ တာလပေါ့ဟင်းအိုးကြီးကို တာဝန်ယူတယ် ....။ ငရုတ်သီးထောင်းဖို့ ငါးဆားနယ်ကြော်ဖို့ကိုတော့ အဆောင်ထဲက သူငယ်ချင်းတွေက အလှည့်ကျတာဝန်ယူကြရင်း ကျမတို့တို့ရဲ့ ထမင်းဝိုင်းကြီးကလဲ ဘယ်တော့မှမပြောင်းလဲသော ဟင်းလျာတွေနဲ့ အမြဲစည်ကားလေ့ရှိပါတယ် .....။

အဆောင်ခေါင်းရင်းက မလွှပင်ကြီးကလဲ ဖွေးဖွေးလှုပ်အောင် ပွင့်လိုက်၊ ကြွေလိုက်ရှိခဲ့ပေမယ့် ကျမတို့လက်ချက်နဲ့ အပင်ပေါ်မှာရော ၊ မြေကြီးပေါ်မှာရော ကြာကြာမနေရ ရှာပါဘူး ။
စားစရာ ပြတ်လပ်သွားပြီဆိုရင် .... အဲဒီ မလွှပွင့်တွေကို မြေအိုးကြီးနဲ့အခါးလျှော့သွားအောင်ပြုတ်ပြီး ကြက်သွန်နီစိမ်း ၊ မြေပဲထောင်း ၊ ဆီချက် ၊ ငရုတ်သီးမှုန့်နဲ့ နယ်ပြီး ဇလုံကြီးထဲမှာ ပယ်ပယ်နယ်နယ် သုတ်စားလေ့ရှိကြတယ် ...။

ကျမတို့ ကျောင်းနဲ့မျက်နှာချင်းဆိုင် ကြာအင်းတောင်တန်းပေါ်က ဘဒတ်စာလို့ခေါ်တဲ့ အဖြူရောင်အပွင့်လေးတွေကလဲ ကျမတို့ ပြည်နယ်ဝန်ထမ်းတွေအတွက် လောက်ငအောင်ပွင့်ပေးရှာပါတယ် ...။
ဘဒတ်စာနဲ့ ကင်ပွန်းချဉ်ကလိုက်ဖက်တဲ့ အတွဲဆိုတော့ မိုးရွာလို့ တောင်ပေါ်မှာ ဘဒတ်စာတွေ ထွက်ပြီဆိုရင် ကျောင်ဝန်းထဲက ကင်မွန်းပင်တန်းကြီးကလဲ ကျမတို့လက်ချက်နဲ့ အညွှန့်တော်တော်နဲ့ပြန်မထွက်နိုင်ရှာတော့ဘူး .....။
ရှားပါးဆင်းရဲပေမယ့် အဲဒီဘ၀ကိုပဲ ကျမတို့ပျော်ခဲ့ကြတာ ......နှစ်တွေကြာခဲ့ပေမယ့် တစ်သက်မမေ့စရာ အတိတ်က ပုံရိပ်လွှာလေးတွေကို ပြန်လည်အောက်မေ့မိရင်း ငါးဆားနယ်ဟင်းတစ်ခွက်ကို ပြန်လည် ချက်ပြုတ်ဖြစ်ခဲ့တာပါ ....။

ငါးဆားနယ်သိပ်ထားတဲ့ ဗူးထဲကနေ ငါးဆနယ်တုံးလေးတွေကို လိုသလောက်ယူ၊ ဆားတွေဖယ်ထုတ်ပြီး ရေအထပ်ထပ် ဆေးထားလိုက်တယ် ....။
ပြီးရင် ခရမ်းချဉ်သီး ၊ ကြက်သွန်နီ ၊ကြက်သွန်ဖြူ ကိုပါးပါးလှီးပြီး ၊  နံနံပင်တွေကို ရေစင်အောင် ဆေးထားပါတယ်...။


ပထမဆုံးဆီသတ်ပြီး ခရမ်းချဉ်သီးအနှစ်ရတဲ့အခါမှာ ငါးဆနယ်တွေကို ထည့်လိုက်ပီး ကျက်လောက်တဲ့အခါမှာ အရသာလိုသလိုပြင်လိုက်ပါတယ် ...။ ပြီးရင်တော့ ဆီလည်ရေလည်အနေလောက်မှာ နံနံပင်လေးအုပ်ပြီး ချလိုက်တာနဲ့ ထမင်းစားလို့မြိန်စေမယ့် ငါးဆနယ်ဟင်းတစ်ခွက် ကျက်သွားပါပြီ ...။

အရသာက လေးလေးပင်ပင်ရှိတော့ အချဉ်နဲ့လိုက်ဖက်တာမို့ ရှားရှားပါးပါးရတဲ့ မရမ်းသီးလေးကို ပုဇွန်ခြောက်မှုန့် ၊ မြေပဲမှုန့်တို့နဲ့ သုတ်လိုက်ပါတယ်....။
သူငယ်ချင်းရဲ့ မုန့်ညှင်းရွက်ဟင်းချို ပူပူလေးနဲ့ပါ တွဲဖက်ပြီး စားလိုက်ကြတာ ...............
အဲဒီထမင်းဝိုင်းလေးက ကျမတို့အတွက်တော့ အမှတ်တရပါပဲ .....း)

အားလုံးကိုချစ်ခင်လေးစားလျှက် ~
နှင်းဟေမာ
(22 March 2011)

Wednesday, March 16, 2011

ရွှေမန်းမြို့က ရှင်ပြုအလှူ(၂)

ပြီးခဲ့တဲ့ ဖေဖော်ဝါရီလ (၂၀) ရက်နေ့က မန္ထလေးမြို့၊  မဟာအောင်မြေမြို့နယ် ၊ လမ်း ၈၀၊ ၄၀ လမ်းနှင့် ၄၁လမ်းကြား၊ ပေါက်မြိုင်တိုက် ၊ အေးငြိမ်းအောင်မြင်သိဒ္ဒိရှင် ဓမ္မာရုံကြီးမှာ လူရွှင်တော်စာရေးဆရာ ဦးချစ်စရာ ရဲ့ (သား) မောင်စိုးမင်းအောင် ၊ လူရွှင်တော်ဦးဒီပါရဲ့မြေးလေး နဲ့ ယနေ့ထိ သာ့သနာ့အမွေခံယူခွင့်မရရှာသေးတဲ့ ကလေးလေးတစ်ယောက်တို့ သာသနာ့ဘောင်သို့သွတ်သွင်းပြီးနောက် သမီး မစုမြတ်အောင် (ခ) မရတနာစုကြည် ကို မြတ်နားသမင်္ဂလာဆင်ယင်ကျင်းပသည့်အလှူတော်မင်္ဂလာ အောင်ပွဲကြီးရဲ့ အလှူကြီးနေ့အကြောင်းကို  အလှူတော်မှတ်တမ်း ဒုတိယပိုင်းအနေဖြင့် အမှတ်တရ ရေးသားအပ်ပါသည် .....။

                          အာရုံတတ်ချိန်နံနက်ခင်းဆီက  အလှူတော်မင်္ဂလာမဏ္ဍပ်ကြီး
အလှူကြီးနေ့ နံနက်ဝေလီဝေလင်းအချိန်မှာ မန်းလေးမြို့မှ ပင့်သံဃာတစ်ဆယ့်တစ်(၁၁)ပါး ကို အားရုံဆွမ်း ဆက်ကပ် လှူဒါန်းခဲ့ပါတယ်....။

ညကလဲ ပွဲကြည့်ထားသေးတယ် .....မနက်၎နာရီလောက် အိပ်ယာထရတော့ အိပ်ရေးကမ၀ဘူး ...။
အိပ်ချင်မူးတူးနဲ့ ဆွမ်းကပ်နေပုံးD
နံနက် အာရုံဆွမ်းကပ်ပြီးတဲ့နောက်မှာတော့ ဖိတ်ကြားထားတဲ့ ပရိတ်သတ်တွေမလာခင်မှာ   မိတ်ကပ်ဖန်တီးရှင်-အကြည် ( ကြည်ခိုင်မိုး)ဆီကို ကိုယ့်မျက်နှာကို ကြည့်ပျော်ရှုပျော်လေးဖြစ်ဖို့အတွက် ပြေးရပြန်ပါတယ်...  အဟဲ ( ဗွီဒီယိုရိုက်မှာဆိုတော့ နဲနဲလှချင်တာပေါ့း)

မန်းလေးမြို့ထုံးစံအရ နံနက်(၈)နာရီဆိုရင် ဖိတ်ထားတဲ့ လူတွေက အကုန်စုံနေပြီ ၊ နေ့လည် ၁၁လောက်ဆို လူမရှိတော့ဘူးလို့ဆိုပေမယ့် ကျမတို့ အလှူနေ့ကတော့ နံနက်(၈)နာရီလောက်ထဲက စီကားလိုက်တာ နေ့လည် ၁နာရီကျော် ဘိတ်သိတ်မစခင်အချိန်ထိ စည်ကားနေဆဲလူတွေနဲ့အတူ ထမင်းရုံထဲမှာလဲ မနားတမ်း ထမင်းကျွေးနေရဆဲဖြစ်ပါတယ် ....။
မြန်မာနိုင်ငံမှာ ပရဟိတလုပ်ငန်းတွေနဲ့ သာသနာပြုတော်မူတဲ့ သီတဂူကြယ်တစ်ပွင့်ဆရာတော်ဘုရားကလဲ မအားလပ်တဲ့ကြားက အလှူကိုကြွရောက်ချီးမြှင့်တော်မူပါတယ် ....။မောင်ရှင်လောင်းလေးတွေကိုလည်း ဆရာတော်ဘုရားကိုယ်တိုင် သင်္ကန်းစီးပေးပြီး ၊ ရေစက်ချ အနုမောဒနာတရား ချီးမြှင့်တော်မူခဲ့ပါတယ် .....။
အလှူကြီးနေ့မှာတော့  ငါးခြောက်နှပ် ၊ ကုလားပဲနှပ် ၊ ပဲပင်ချဉ်သုတ် ၊ ကြက်သွန်နီနဲ့ငရုတ်သီးအရွကြော် ၊ ပဲဟင်းချိူတို့နဲ့ အချိုတည်းဖို့ မန်းလေးထိုးမုန့် ၊ လက္ဘက်သုတ် နဲ့ ရေနွေးကြမ်း ၊ သီးမွှေးငှပျောသီး တို့နဲ့ ဖိတ်ကြားထားသူ လူ ၁၀၀၀ ကျော်ကို နေ့လည်စာဖြင့် ဧည့်ခံ၊ လှူဒါန်း ကျွေးမွေးခဲ့ပါတယ် ....။

အလှူတစ်ခုလုပ်ပြီဆိုရင် ကျမ အစိုးရိမ် အပူပန်မိဆုံးက ကျွေးနေရင်း ထမင်းတွေ ဟင်းတွေ မလောက်ငှမှာကိုပဲ ဖြစ်ပါတယ် ...။
အလှူမတိုင်ခင်ကတည်းက ကျမအနေနဲ့ လူရွှင်တော် စာရေးဆရာ ဦးချစ်စရာကြီးကို .....လေးချစ်ရေ မလိုအပ်တဲ့ ၊ တစ်ခြားအပိုကုန်မှာတွေကိုပဲ လျှော့ချ ၊ အလှူမှာကျွေးမဲ့ ထမင်းဟင်းကိုတော့  ကုန်ချင်သလောက်ကုန်ပါစေ  အလျှံအပယ်ချက်ပါ... ကိုရင်လေးတွေအတွက် သင်္ကန်းပရိတ်က္ခရာရှစ်ပါး အစုံကို ၊ အလှူမြောက်အောင်  ၀ယ်ပါဆိုတဲ့ စကားကိုပဲ ကျမ ထပ်ကာတစ်လဲလဲ မှာခဲ့မိတာ ....။
တစ်ကယ်ပဲ စိတ်ချမ်းသာစရာကောင်းပါတယ် ....လူတွေ ဘယ်လောက်များများ ထမင်း ဟင်းကလဲ ပြတ်လပ်မသွားခဲ့တဲ့အပြင်  အလှူဟင်းကကောင်းလိုက်တာဆိုပြီး လာသမျှလူတွေအားလုံးက အားပါးတရ စားကြတဲ့အတွက် အရမ်းပဲ ၀မ်းသာ ၊ ပီတိဖြစ်ရပါတယ် ....။

 အလှူနေ့မှာ ဆရာမကြီး လူထုဒေါ်အမာရဲ့(သား) ဆရာညီပုလေး ၊ မင်းခိုက်စိုးစံ၊ ဆရာမ ယဉ်ယဉ်နု(မန္ထလေး) နဲ့ ဖိတ်ကြားထားတဲ့ စာရေးဆရာအတော်များများ လာရောက်ခဲ့ကြသလို ကျမချစ်ခင်လေးစားရတဲ့ စာရေးဆရာမ ခင်ခင်ထူး နဲ့ သမီးလေး တို့လဲ တတ်ရောက်ခဲ့ကြပါတယ်...။ ဆရာနေ၀င်းမြင့်ကတော့ စာပေဟောပြောပွဲအတွက် နယ်ကိုသွားနေရလို့ အလှူနေ့က မလိုက်လာနိုင်ခဲ့ပါဘူး....။
ကျမအတွက် ဆရာမရေးခဲ့တဲ့ စာပေဗိမ္မာန်ဆုရ စာအုပ် နဲ့ အခြား ရှားပါးစာအုပ်လေးတွေကို လက်ဆောင်ပေးလိုက်တော့ ကျမ အရမ်းပဲ... ကြည်နူးဝမ်းသာရပါတယ်....။
                                      ဆရာမခင်ခင်ထူး ၊ သမီးလေးတို့နဲ့ အမှတ်တရ .....
စာရေးဆရာမ ယဉ်ယဉ်နု (မန္ထလေး) ကလည်း အလှူနေ့မှာ ကျမအတွက် လက်ဆောင်ပေးဖို့ဆိုပြီး စာအုပ်လေးတွေ ယူလာပါတယ် ...။ ဆရာမက လေဖြတ်ထားတဲ့အတွက် ညာဘက်လက်တစ်ဘက်က စာမရေးနိုင်ခဲ့ပေမယ့် သူများကိုရေးခိုင်းပြီး စာပေဗိမ္မာန်ဆုကိုရရှိခဲ့တဲ့အကြောင်းလေးကို ကျမကို ပြောပြတော့ စိတ်မကောင်းဖြစ်မိသလို အရမ်းလဲလေးစားစရာကောင်းတဲ့ စာပေမိခင်တစ်ဦးအဖြစ် အသိအမှတ်ပြုမိပါတယ် ...။
အခုလို လူရွှင်တော် စာရေးဆရာဦးချစ်စရာရဲ့ လှူချင်တဲ့ ဆန္ဒကိုဖြည့်ဆည်းပေးနိုင်ခဲ့ခြင်း ၊ လှူဒါန်းခွင့်ရခြင်းဆိုတဲ့ အကျိုးကျေးဇူးတွေကြောင့် ၊ ကျမ လေးစားတန်ဖိုးထားရတဲ့ စာပေအသိုင်းအ၀ိုင်းက ဆရာကြီး ဆရာမကြီးတွေနဲ့ ရင်းနှီးစွာ တွေ့ခွင့် ၊ ဆုံခွင့် ၊ ကန်တော့ခွင့်ပါ ရခဲ့ပါတယ် ....။

                                    ဆရာမ ယဉ်ယဉ်နု (မန္ထလေး) နှင့် အမှတ်တရ
ဆို၊က၊ရေး၊တီး ရွှေတံဆိပ်ဆုရှင်မောင်ရှင်လောင်း မောင်နှမနှစ်ယောက်ကလဲ တေးသီချင်းနဲ့ အားပါးတရ ဧည့်ခံဖျော်ဖြေကြပါတယ် ....။ လူရွှင်တော် နဲ့ မင်းသမီးကမွေးလာတဲ့ မျိုးဆက်လေးတွေဆိုတော့ မခေဘူးလို့ပြောရမယ် ။ တစ်ကယ့် ၀ါရင့်အဆိုတော်ကြီးတွေလိုပါပဲ ....။
ကိုအောင်ကျော်မြင့် နဲ့ နန်းတော်ရှေ့ဆရာတင်ရဲ့(မြေး)  နန်းခင်မွှေး တို့က တေးသီချင်းများသီဆိုပြီး
ကျောက်ပန်းတောင်း (မင်းသမီး)-စကားဝါ ဒေလီမြင့်ရဲ့ (သမီး) ညီမလေး မှုံနံ့သာသွယ် က အကနဲ့ တွဲဖက်ကာ ပျော်ရွှင်စွာ ဖျော်ဖြေတင်ဆက်ခဲ့ကြပါတယ်....။
အဲဒါပြီးတဲ့နောက်မှာတော့ ဘိတ်သိတ်သွန်းလောင်းရန် တာဝန်ယူထားတဲ့ စာရေးဆရာ မန်းတက္ကသိုလ် စိုးနိုင်က ဆိုင်း - မန္ထလေးသိန်းအောင် (သား) ပိုင်အောင်တို့နဲ့ တွဲဖက်ပြီး မောင်ရှင်လောင်းများကို အစီအစဉ် ၅ရပ်နဲ့ ဘိတ်သိတ်မြှောက်ကာ နားထွင်းမင်္ဂလာပြုပါတယ် .....။

မန်းလေးမြို့ ၊သဘင်အစည်းအရုံးဥက္ကဌကြီး- နန်းတော်ရှေ့ဆရာတင်ရဲ့ (သား) ဖြစ်သူ ဘဘ ဦးရွှေနန်းတင် ကလဲ မြန်မာ့ရိုးရာသုခုမအနုပညာနဲ့စာပေကို ချစ်ခင်လေးစားသောအားဖြင့် လူရွှင်တော်စာရေးဆရာ ဦးချစ်စရာ ၊ ဒေါ်အေးအေးသွင်တို့ရဲ့ ရင်သွေးရတနာများကို လာရောက်လှူဒါန်းပေးတဲ့ ကျမတို့ရဲ့ ဒါနစေတနာကို ချီးမြှောက်သောအားဖြင့် ကျေးဇူးတင်မင်္ဂလာစကားများ အားပါးတရ ပြောကြားပေးခဲ့ပါတယ် .....။
မြန်မာ့ဆိုင်းက နောက်ခံဗျောတီးပေးပြီး  မောင်ရှင်လောင်းလေးတွေကို ဘိတ်သိတ်ထမင်း နဲ့ ဘိတ်သိတ်ဟင်းများ အခုလို ခွံ့ကျွေးရပါတယ် .....
အဲဒီအချိန်မှာ အလှူ့ဒါယိကာဦးချစ်စရာတို့ မိသားစုနဲ့ မောင်ရှင်လောင်းလေးတွေရဲ့ ဆွေမျိုးမိဘတွေ ၊ ဘိတ်သိတ်ပွဲကြည့်သူတွေ အားလုံးက အလှူအတွက် ကြည်နူး ၀မ်းသာတဲ့ မျက်ရည်စတွေနဲ့အတူ မြင်ရသူတိုင်းရဲ့ ရင်ကို ၀မ်းနည်း ၀မ်းသာဖြစ်စေခဲ့ပါတယ် ...။
မစုမြတ်အောင်ကို နားသမင်္ဂလာပြုလုပ်နေပုံ
ဘိတ်သိတ်ဆရာအဖြစ် တာဝန်ယူဆောင်ရွက်ပေးသော စိုးနိုင် (မန်းတက္ကသိုလ်)
 ဘိတ်သိတ် အခမ်းအနားပြီးတဲ့နောက်မှာတော့ အလှူတော်မင်္ဂလာ အခမ်းအနားအောင်မြင်ခြင်း အထိမ်းအမှတ်အဖြစ် ကျိတ်ကျိတ်တိုးနေတဲ့ လူအုပ်ကြီးကြားမှာ ရတနာရွှေမိုးငွေမိုးများ ရွာသွန်းဖြိုးခဲ့ပါတယ် ....။
အဲဒါတွေပြီးတဲ့နောက်မှာတော့ သာသနာ့ဘောင်ကိုဝင်ရောက်ရတော့မယ့် မောင်ရှင်လောင်းလေးများကို ဆံချပြီး ဆရာတော် သံဃာတော်တို့ထံမှ သင်္ကန်းစီး ၊ သီလခံယူကာ မြင့်မြတ်သော သာ့သနာ့ဘောင်ကို ၀င်ရောက်ကြပါတယ် ....။

အားလုံးပြီးတဲ့နောက်မှာတော့ သီတဂူကြယ်တစ်ပွင့်ဆရာတော်မှ ကိုယ်ပိုင်ဆိုင်တဲ့  ပစ္စည်း ဥစ္စာထဲက သူတစ်ပါးအတွက် ဘာမျှော်လင့်ချက်မှမပါပဲ သန့်စင်မွန်မြတ်စွာ လှူဒါန်းခြင်းနဲ့ စိတ်ထားတတ်ခြင်း တို့ကိုအခြေခံသော ပါရမီထိုက်တဲ့ဒါနသြ၀ါဒတရားဒေသနာကို ချီးမြှင့်တော်မူပြီး လှူဒါန်းမှုအစုစုတို့ကို ဆရာတော် သံဃာတော်အရှင်သူမြတ်တို့ထံ ဆက်ကပ်လှူဒါန်းကြပါတယ် .....။
သံဃာတော်တစ်ပါးလျှင် ဒွိစုံသင်္က္ခန်း(၂) စုံနှင့် အခြားလှူဖွယ်ပစ္စည်းများ ၊ ပစ္စည်းလေးပါးအတွက် န၀ကမ္မ၀တ္ထုငွေ တစ်ပါးလျှင် ၃၀၀၀၀၀ ( သုံးသောင်းကျပ်) တို့ကို သံဃာတော် တစ်ဆယ့်နှစ်ပါးတို့အား ကိုယ်တိုင်ကိုယ်ကျ လှူဒါန်းပြီးနောက် လှူဒါန်းမှုအစုစုအတွက် ရေစက်သွန်းချအမျှပေးဝေကာ သာဓု အနုမောဒနာခေါ်ဆိုခဲ့ကြပါတယ် .....။

ညနေ ၄နာရီတိတိအချိန်မှာ အလှူတော်ကြီး အောင်မြင်စွာပြီးမြောက်သွားခဲ့ပါတယ် .....။ညပိုင်းအချိန်မှာတော့ မန်းလေးမြို့ကျက်သရေဆောင် မြို့မဂီတ၀ိုင်းတော်သားများ ၊ ရတနာပုံသန်းဌေးအောင် ဆိုင်းအဖွဲ့တို့နဲ့အတူ ဟာသလူရွှင်တော်-စာရေးဆရာ -အလှူ့ဒါယိကာကြီး ဦးချစ်စရာ ၊ ဦးမော့(စ်) ၊ ဦးရန်အောင် ၊ ဦးဒီပါ ၊ တို့နဲ့အတူ ရှေ့ထွက်မင်းသမီး ကျမ နှင်းဟေမားp ၊ ခေါင်းဆောင်မင်းသမီး နန်းခင်မွှေးတို့က အလှူအောင်ပွဲအတွက် ပျော်ရွှင်စွာ ကပြဖျော်ဖြေခဲ့ကြပါတယ်....။

                  ************************************************
အလှူတစ်ခုလုပ်နိုင်ဖို့ဆိုတာ လှူချင်တဲ့ဆန္ဒရှိရုံနဲ့လဲ မရနိုင်သလို .... ငွေကြေးပြည့်စုံရုံ ၊ မိမိတစ်ယောက်ထဲရှိရုံနဲ့လဲ မပြီးပါဘူး ၊  ဘက်ပေါင်းစုံ ဒေါင့်ပေါင်းစုံကနေ အစစအရာရာ အကူအညီ အထောက်အပံ့ ရှိမှသာ ပြည့်စုံအောင်မြင်တဲ့ အလှူပွဲကြီးတစ်ခုဖြစ်မြောက်ရတာပါ ....။

အထူးသဖြင့် အခုလို မွန်မြတ်တဲ့ ရှင်ပြု အလှူတော်ကြီးတစ်ခုအဖြစ် ကျမကိုလှူဒါန်းခွင့်ရအောင် ပထမဆုံး “တိုင်ပင်ခဲ့တဲ့ လူရွှင်တော် စာရေးဆရာကြီး ဦးချစ်စရာ ” ၊ ဒီအလှူကြီး ဖြစ်မြောက်ဖို့ရာအတွက် ကျမဘေးကနေ အစစအရာရာ ကူညီပါရမီဖြည့်ဆည်းပေးခဲ့တဲ့ ကိုအောင်ကျော်မြင့် ၊ အလှူမတိုင်ခင်ကနေ အလှူပြီးတဲ့အထိ  လိုအပ်တဲ့ ကားတွေအားလုံးကို စိတ်ကြိုက်ယူသုံးခွင့်ပြုပြီး အစစအရာရာ စိတ်ရောကိုယ်ရောနှစ်ကာ အလှူအတွက်မနေမနား ကူညီပေးခဲ့တဲ့ မန်းလေးမြို့က ကိုမောင်မောင် တို့ကို အရမ်းကျေးဇူးတင်မိပါတယ်...။

နောက်ပြီး အလှူမတိုင်ခင်ကနေ အလှူပြီးမြောက်တဲ့အထိ အစစအရာရာ အကူအညီပေးခဲ့တဲ့ အန်တီနန်းခင်မွှေး ၊ အလုပ်ရှုပ်နေတဲ့ကြားက ကျမကို အချိန်များစွာပေးပြီး မေတ္တာနဲ့ပြင်ဆင်ပေးခဲ့တဲ့ - ကျမကမဲ့ အငြိမ့်စင်ပေါ်ထိ လိုက်လာပြီး အားပေးခဲ့တဲ့ မိတ်ကပ်ကြည်ခိုင်မိုး၊  လမ်း ၈၀ မဟာအောင်မြေ ရပ်ကွက်တစ်ခုလုံးက ကျမ ချစ်ခင်ရတဲ့ မန်းလေးသူ ၊ မန်းလေးသား မိတ်ဆွေ သူငယ်ချင်းများ အားလုံးကို ရင်ထဲက လှိုက်လှိုက်လှဲလှဲနဲ့ ကျေးဇူးတင်ခဲ့မိပါတယ် ဆိုတာလေးကို ဒီနေရာလေးမှာ ကျမရဲ့ တစ်သက်တာ အမှတ်တရအဖြစ်  မှတ်တမ်းတင် ရေးသားအပ်ပါတယ်.........။

အားလုံးကို ချစ်ခင်လေးစားလျှက်~
နှင်းဟေမာ
(16 March 2011)

Friday, March 11, 2011

မန်းရွှေမြို့က ရှင်ပြုအလှူတော် (၁)

မြန်မာ့ဇာတ်သဘင်ပညာရပ်များ နှင့် သုခုမအနုပညာရှင်ကြီးမှာ ပေါ်ထွက်ရာ ၊ သုခုမ သဘင်ပညာရပ်များ ထွန်းကားရာ မြို့တော်ကြီး တစ်ခုဖြစ်တဲ့ မန္တလေးမြို့တော်ကြီးမှာ ပြီးခဲ့တဲ့ ဖေဖော်ဝါရီ ၁၉ ရက် နဲ့  ၂၀ ရက်နေ့က  သာသနာ့အမွေ ခံယူသည့်ပွဲ တစ်နည်းအားဖြင့် ရှင်ပြုနားသ အလှူတော်မင်္ဂလာပွဲကြီးကို ၀မ်းမြောက်စွာ ၊ ကြည်နူးစွာနဲ့ အောင်အောင်မြင်မြင် လှူဒါန်းမှုပြုနိုင်ခဲ့ပါတယ်...။

ပြီးခဲ့တဲ့နှစ်က ခုလိုအချိန်မှာလဲပဲ ကျမကိုယ်တိုင်သွားရောက် လှူဒါန်းဖြစ်ခဲ့တဲ့ မန္ထလေးတိုင်း ၊ မတ္တရာမြို့နယ် ရေနံ့သာကျေးရွာ အနီးမှာတည်ရှိတဲ့ အနာကြီး ရောဂါဆေးရုံကြီးမှာလဲ အလှူဒါနအဖြစ် အနာကြီးရောဂါဝေဒနာရှင်များစွာအတွက် ဆေး ၊ ၀ါး ၊ အဟာရပဒေသာပင် အတွက် ကျပ်ဆယ်သိန်းတိတိနဲ့ ဆန်အိတ် ၊ ဆီပုံး များကို သွားရောက်လှူဒါန်းဖြစ်ခဲ့စဉ်က မန်းလေးမြို့ကြီးကို တစ်ခေါက်တစ်ခါ ရောက်ခဲ့ပါသေးတယ် ....။

ယခုနှစ်မှာလဲပဲ မန်းလေးမြို့မှ ဟာသလူရွှင်တော်ကြီးတစ်ဦးဖြစ်တဲ့အပြင် စာရေးဆရာ ၊  (မန္ထလေးသား စစ်စစ်ကြီးပါဗျာ ဆိုတဲ့ ဟာသ၊ ပြဇာတ်ကိုရေးသားတင်ဆက်ခဲ့သူ)  လေးချစ် (ခေါ်) ဦးချစ်စရာကြီးက .....

“မနှင်းရေ ... လေးချစ် သားလေးကို အခုချိန်ထိရှင်မပြုနိုင်သေးဘူး ... ဖြစ်နိုင်မယ်ဆိုရင် လေးချစ်မသေခင်မှာ သားလေးကိုရှင်ပြုခွင့်ရခဲ့ချင်တယ် ” ဆိုပြီး ကျမကို တိုင်ပင်ခဲ့ပါတယ် .... ။

 မြန်မာ့ရိုးရာယဉ်ကျေးမှု အနုပညာ စစ်စစ်များကို ကျမအနေနဲ့ များစွာတန်ဖိုးထားသလို လေးစားထိုက်တဲ့ အနုပညာရှင် ၊ ထူးချွန်တဲ့သဘင်ပညာရှင်များကိုလဲ ကျမ အမှန်တစ်ကယ်  လေးစား တန်ဖိုး ထားမိပါတယ်...။
အဲဒါကြောင့်ပဲ ကျမအနေနဲ့ ဦးချစ်စရာကြီးရဲ့ လှူချင်တဲ့ ဆန္ဒကိုလဲ ဖြည့်ဆည်းခွင့်ရအောင် ၊ ကျမကိုယ်တိုင်လဲပဲ မွန်မြတ်တဲ့အလှူတစ်ခုအဖြစ် ပါရမီထိုက်တဲ့ ဒါနမြောက်သွားအောင် ဒီအလှူပွဲကြီးကို ကျင်းပဖို့ အဝေးကနေ ၄လနီးပါးလောက် ဖုန်းနဲ့ပဲ စီစဉ်ပြီး တိုင်ပင်ခဲ့ကြပါတယ် ....။
အလှူရက်ကိုတော့ စင်္ကာပူနိုင်ငံရဲ့နှစ်သစ်ကူးရုံးပိတ်ရက်တိုလေးကိုလုပ်ဖို့ ရွေးချယ်ခဲ့ပြီး  မန်းလေးမြို့က ရှင်ပြု ၊ နားသအလှူတော်မင်္ဂလာပွဲအတွက် တတ်ကြွသော ခြေလှမ်းများစွာဖြင့် ချီတတ်ဖြစ်ခဲ့ပါတယ် ....။

အလှူတော်မင်္ဂလာအခမ်းအနားကိုတော့ မန္ထလေးမြို့၊  မဟာအောင်မြေမြို့နယ် ၊ လမ်း ၈၀၊ ၄၀ လမ်းနှင့် ၄၁လမ်းကြား၊ ပေါက်မြိုင်တိုက် ၊  အေးငြိမ်းအောင်မြင်သိဒ္ဒိရှင် ဓမ္မာရုံကြီးမှာမဏ္ဍပ်ထိုးပြီး ကျင်းပခဲ့ပါတယ်...။
ရွှေရောင်ဝင်းနေတဲ့ အလှူတော်မဏ္ဍပ်ကြီး
မန်းလေးမြို့ သုခုမအနုပညာရှင်ကြီး .... လူရွှင်တော် ၊ စာရေးဆရာ ဦးချစ်စရာရဲ့ (သား) မောင်စိုးမင်းအောင် ၊ သမီး မရတနာစုကြည် (ခ) မစုမြတ်အောင် ၊ မန်းလေးမြို့မှ အသက် ၈၃ နှစ်ရှိပြီဖြစ်တဲ့ ဟာသလူရွှင်တော်ကြီး ဦးဒီပါ ရဲ့မြေးလေး နဲ့ ယနေ့ထိတိုင် ရှင်ပြုခွင့်မရသေးတဲ့ သားလေးတစ်ယောက်တို့ကို ရှင်သာမဏေအဖြစ် သွတ်သွင်းရန် ၊ နားထွင်းမင်္ဂလာကျင်းပရန်အတွက် အလှူဝင်နေ့မှာ မြန်မာ့ရိုးရာ ဓလေ့ထုံးတမ်းစဉ်လာအတိုင်း  မောင်ရှင်လောင်းလှည့်လည်ပါတယ် ......

ကြည်နူးမှု ပီတိတွေကြားက အလှူဒါယိကာကြီး ဦးချစ်စရာကြီးနဲ့ ဇနီး ဒေါ်အေးအေးသွင်(ခ) မခိုင် ......


မန်းလေးမဟာမြတ်မုနိဘုရားကြီးကို ဖူးမျှော်၍ရွှေသင်္ကန်းကပ်လှူပြီး မန်းလေးရဲ့ ထုံးနန်းစဉ်လာအတိုင်းပဲ မဟာမြတ်မုနိဘုရားကြီးကနေ မန္ထလေးဘိုးဘိုးကြီးနတ်နန်း ကို ဦးခိုက်ရန်အတွက် ကျုံးတစ်လျှောက် ယာဉ်တန်းကြီးဖြင့် လှည့်လည် သွားရောက် ခဲ့ကြရပါတယ်။



မန်းလေးမှာ ကားဝယ်ပြီဆိုလျှင် ၊ ဆိုင်ကယ် ၀ယ်ပြီဆိုလျှင် မန်းလေးဘိုးဘိုးကြီးနန်းကို သွားပြီး ဦးတိုက်ကြလေ့ရှိသလို ၊ ရှင်ပြု နားသအလှူတော်မင်္ဂလာပွဲတွေမှာလဲ မောင်ရှင်လောင်းများနဲ့အတူ မန်းလေးတောင် ဘိုးဘိုးကြီးနန်းမှာ နတ်ပြသွားရတာဟာ မန်းလေးမြို့ရဲ့ ဖျောက်ဖျက်လို့မရတဲ့ ထုံးတန်းဓလေ့ တစ်ခုလဲဖြစ်ပါတယ် ....။

                                        မန္ထလေးတောင် ဘိုးဘိုးကြီးနတ်နန်းမှာ
မောင်ရှင်လောင်းများနတ်ပြနေပုံ
 အဲဒီ့အပြင် အလှူ့အစ်မအဖြစ် ရှိနေရတဲ့ ကျမကိုလဲ မိဆိုင်နတ်၊ဖဆိုင်နတ်ကို မဖြစ်မနေတင်ရမယ်ဆိုလို့ ကျမတို့ ဘိုးဘွား ၊ အမိ အဘ နဲ့ ကျမကိုမွေးဖွားရာ ပုပ္ပါးနယ်ပိုင်ဖြစ်တဲ့ အဘမြင်းဖြူရှင်ထံမှာလည်း ထုံးစံအရ မိဆိုင်နတ် ၊ ဖဆိုင်နတ်ကို ပွဲပေး ကန်တော့ ရပါတယ်...။


                                      အလှူ့အရွကြီး အဲ မှားလို့ အလှူ့အစ်မကြီးးD


မေတ္တာဖြင့်ကူညီပေးကြတဲ့ ရွှေတံဆိပ်ဆုရ မဟာအောင်မြေမြို့နယ် လူငယ်ဗျောအဖွဲ့နဲ့အတူ ဟာသလူရွှင်တော် ဦးမော် (ခ) ဦးမော့(စ်) ကလည်း “ ဒါနအရာ ... သုံးတန်စေတနာ ပြဌါန်းကာ .... ” အစရှိတဲ့ သူ့ပါးစပ်ထဲတွေ့ကရာ တေးသီချင်းတွေနဲ့ မမောနိုင်မပမ်းနိုင် ပျော်ရွှင်စွာနဲ့ ဖျော်ဖြေတင်ဆက်ခဲ့သလို  ....
မန်းလေးမြို့မှ သစ်လွင်အငြိမ့် နှင့် ရွှေမဟာဇာတ်ပိုင် ၊ (မင်းသမီးကြီး) ရွှေမန်းသူမြင့်မြင့်သန်း ကလဲ ဗျောစည်အဖွဲ့ နဲ့အတူ တေးသီချင်းများနဲ့ အားပါးတရ တွဲဖက် ဖျော်ဖြေတင်ဆက်ခဲ့ပါတယ် ....။
မောင်ရှင်လောင်းလေးတွေလဲ ဗိုက်ဆာကုန်ကြပြီ ....
မန်းလေးတောင်ခြေမှာ၊ ဇာတ်သဘင်ပညာရှင်များရဲ့ ပျော်ပျော်ပါးပါး အဆို အကတွေပြီးတဲ့အခါမှာတော့ အလှူတော်မဏ္ဍပ်ကြီးဆီသို့ ပြန်လည်ဆိုက်ရောက်လာကြပါတယ်...။
ပရိတ်သတ်များနဲ့ ရပ်ကွက်ကလူတွေ ကလေးတွေအားလုံးကို အလှူဝင်နေ့မှာ ထမင်းနဲ့ အလှူငါးခြောက်ကြော် ၊ မှန်ရောင်ဟင်းချို ၊ သရက်ချဉ်သုတ် ၊ ငရုတ်သီးကြော် တို့ဖြင့် ဧည့်ခံကျွေးမွေးခဲ့ပါတယ် ....။
ကျမအနေနဲ့က အလှူရဲ့အစီအစဉ်တွေနဲ့ ဘယ်လိုတွေလုပ်ရတယ်ဆိုတာတွေကို သိပ်စဉ်းစား မထားတော့ အလှူဝင်အတွက် ဘာကိုမှ ကြိုတင်ပြင်ဆင်မှုမလုပ်ခဲ့မိဘူး ။
ကျမတို့ ပြုလုပ်တဲ့အလှူက ခုလောက်ကြီးလဲ ကြီးကျယ်ခမ်းနားတဲ့ အလှူကြီးတစ်ခုဖြစ်လာလိမ့်မယ်လို့ မျှော်လင့်မထားခဲ့မိတာလဲ ပါပါတယ် ...။

အလှူလုပ်တယ်ဆိုတော့ ရိုးရိုးလေးပဲ လာတဲ့ပရိသတ်ကို ထမင်းကျွေးမယ် ၊ ရပ်ကွက်တစ်ခုလုံးကို စတုဒီသာကျွေးမယ်ပြီးရင် ပင့်သံဃာတော်တွေကို လှူဖွယ်ဝတ္ထုအစုစုနဲ့ ၀တ္ထုငွေများ ဆက်ကပ်လှူဒါန်းမယ် နောက်ဆုံးအဖြစ် ပရိက္ခရာရှစ်ပါးအစုံအလင်နဲ့ မောင်ရှင်လောင်းတွေကိုရှင်သာမဏေအဖြစ် ကိုရင်လေး တွေဝတ်ကြမယ် ဒီလောက်ပဲ သိထားခဲ့ပါတယ်....။


တစ်ကယ့်တစ်ကယ် အလှူပွဲကြီးကျင်းပတဲ့အခါမှာ  ထင်ထားတာထက် အဆပေါင်းများစွာ ကြီးမားသွားခဲ့တော့ အံ့လဲ သြခဲ့ရတယ် .....အလှူအတွက် ၀မ်းသာပီတိလဲ ဖြစ်ခဲ့ရပါတယ်...။

ဖျော်ဖြေဧည့်ခံရေးအနေနဲ့လဲ အလှူဝင်ညမှာ ဆိုင်း မန္ထလေးသိန်းအောင်(သား) ပိုင်အောင် အဖွဲ့၊ ရွှေဖလား လူရွှင်တော် ပထမဆုရ ၊ ဖိုက်စတား အဖွဲနဲ့အတူ (မင်းသမီး) ပန်တျာ- ၀င်းသပြေထွန်း  တို့အဖွဲ့က ပထမပိုင်းဖျော်ဖြေတင်ဆက်ခဲ့ကြသလို  ၊ ဟာသလူရွှင်တော်ကြီးများဖြစ်ကြတဲ့ ဦးစိန်ရိုး ၊ ဦးမိုးဒီ ၊ ဦးဥသြ ၊ ဦးကောင်းစံ ၊ ဦးရွှေဂဲ(ရွှေမန်းသဘင်) အဖွဲ့နှင့် မင်းသမီး ကျားလေးစိန် တို့က ဒုတိယပိုင်းအဖြစ် ဦးချစ်စရာကြီးရဲ့အလှူအတွက် ဂုဏ်ပြုတဲ့အနေနဲ့ မေတ္တာဖြင့် လာရောက်ကပြဖျော်ဖြေခဲ့ကြပါတယ် .....။

ကျမရဲ့အလှူတော်မှတ်တမ်းတစ်ခုအဖြစ် .... အလှူကြီးနေ့အခမ်းအနားနဲ့ လှူဒါန်းမှူများကို အပိုင်း(၂)မှာ ဆက်လက်ရေးသားပါဦးမည်......။

အားလုံးကိုချစ်ခင်လေးစားလျှက်~
နှင်းဟေမာ
11/03/2011